Бахтли оила хотиржам макондир
Оиладаги энг асосий мезон – икки томоннинг бир-бирини тушуниб, қўллаб-қувватлаши, оғир ва қувончли дамларда бир-бирига ҳамдард, ҳамнафас бўлишини таъминловчи ҳаракат уйғунлигидир.
Бахтли оила – бу бехатар ва хотиржам макон демак. Шундай оиланинг аъзолари дастурхон атрофида ўтириб, ота-она фарзандлари билан кун қандай ўтганлиги ҳақида суҳбатлашадилар ва болалар мактабда нима бўлганини ҳаяжон билан айтиб беришларига имкон бўлади, биргаликда дам олиш, эртанги кун учун режаларини тизишга жалб қилиниши уларни рағбатлантиради.
Бахтли оиладаги бола касал қолса, ота-онаси унга албатта, ғамхўрлик қилишига ишонади. Эҳтимол, улар кечаси билан галма-гал унинг олдида бўлишларига тўғри келиши ҳам мумкин. Ёки бола ота-онасининг олдига қачон ёрдам сўраб келмасин, улар жигарбандига доимо маслаҳат бериб, қўллаб-қуввтлашади. Ҳа, бу дунё қанчалик тезкор бўлмасин, бола ўзига оилада эътиборни ҳис этиши керак.
Фарзандлар ўсиб улғайгач, ўзлари ҳам оила қуришади, ўз оилаларини бахтли қилишга, ҳамда кексайиб қолган ота-оналари ҳақида жонкуярлик қилишга интилишади.
Шу ўринда таъкидлаш лозимки, фарзандларига ота-оналар ундоқ қил, бундоқ қил, дея насиҳат қилганидан кўра, ўзларининг ҳаракатлари билан ибрат бўлгани яхшироқ. Боиси болалар эшитганидан эмас, кўрганларидан намуна олади. Бу ҳаёт – ҳақиқати!
Гулшод Юсупова, “Оила” маркази туман бўлими раҳбари.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
