ДТМ Қорақалпоғистон Республикаси бўлими ходимлари битирувчилар билан ОТМларга қабул жараёнидаги янгиликлар ҳақида суҳбатлашди
Сўнгги икки йил мобайнида республикамизда олий таълим тизимини ривожлантириш ва таълим сифатини янада ошириш бўйича бир қатор дастурий чора-тадбирлар қабул қилиниб, изчил амалга оширилмоқда. Талабаликка қабул қилишнинг шаффоф ва очиқ тизими яратилди.
Жорий йилда ҳам тест синовларини 2018 йилдаги тажрибадан келиб чиқиб, катта сиғимли бино ва иншоотларда ўтказишни давом эттириш режалаштирилмоқда. Жорий ўқув йилида Қорақалпоғистон Республикасида 40691 нафар ўқувчи мактаб, академик лицей ва касб-ҳунар коллежларини тугатади. Агар таълим муассасаларини олдинги йилларда битириб, ариза топшириши кутилаётганлар билан биргаликда ҳисобласак, 2019/2020 ўқув йили қабулида тахминан 81500 нафардан ортиқ абитуриентлар олий таълим муассасаларининг бакалавриат таълим йўналишларига ўқишга кириш учун ҳужжат топшириши кутилмоқда.
Жорий йилдан бошлаб абитуриентлар ўқишга кириш учун ҳужжатларини Давлат хизматлари марказлари ёки Ягона интерактив давлат хизматлари портали орқали топшириш имконига эга бўлдилар. Олий таълим муассасаларига ўқишга қабул қилиш бўйича кириш тест синовлари июль-август ойларида ўтказилиши, абитуриент бир вақтнинг ўзида 3 та бакалавриат таълим йўналишида танловда иштирок этиши мумкин. Олдинги ўқув йилларида таълим муассасаларини тугатган абитуриентлардан тест синовларида иштирок этиши учун энг кам иш ҳақининг ярим баробари миқдорида йиғим ундирилишади.
Бу борадаги янгиликлар билан умумтаълим мактаблари ва касб-ҳунар коллежлари битирувчиларини батафсил таништириш учун шу йилнинг 23 майида Вазирлар Маҳкамаси ҳузуридаги Давлат тест марказининг Қорақалпоғистон Республикаси бўлими бошлиғи Музаффар Абдуллаев, ходимлари Даулетбай Кошкинбаев, Нурлибай Жумабаевлар туманимизда бўлишди.
50 дан зиёд умумтаълим мактаблари бирувчилари вакиллари билан суҳбат туман Маданият бўлими томошалар залида, 3-сонли Амударё академик лицей битирувчилари билан лицей биносида ўтказилди ҳамда ёшларни қизиқтирган кўплаб саволларга жавоблар берилди.
Тадбирларни туман Адлия бўлими бошлиғи Мўъминжон Матюсупов бошқариб борди.
ОТМларга ҳужжат топшириш ва тест синовларидаги ўзгаришлар тарғиботига бағишланган бу тадбирлар мактаблар ва ўрта махсус, касб-ҳунар таълими муассасалари битирувчилари учун айни муддао бўлди.
О.РАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
