DTM Qoraqalpogʻiston Respublikasi boʻlimi xodimlari bitiruvchilar bilan OTMlarga qabul jarayonidagi yangiliklar haqida suhbatlashdi
Soʻnggi ikki yil mobaynida respublikamizda oliy taʼlim tizimini rivojlantirish va taʼlim sifatini yanada oshirish boʻyicha bir qator dasturiy chora-tadbirlar qabul qilinib, izchil amalga oshirilmoqda. Talabalikka qabul qilishning shaffof va ochiq tizimi yaratildi.
Joriy yilda ham test sinovlarini 2018-yildagi tajribadan kelib chiqib, katta sigʻimli bino va inshootlarda oʻtkazishni davom ettirish rejalashtirilmoqda. Joriy oʻquv yilida Qoraqalpogʻiston Respublikasida 40691 nafar oʻquvchi maktab, akademik litsey va kasb-hunar kollejlarini tugatadi. Agar taʼlim muassasalarini oldingi yillarda bitirib, ariza topshirishi kutilayotganlar bilan birgalikda hisoblasak, 2019/2020 oʻquv yili qabulida taxminan 81500 nafardan ortiq abituriyentlar oliy taʼlim muassasalarining bakalavriat taʼlim yoʻnalishlariga oʻqishga kirish uchun hujjat topshirishi kutilmoqda.
Joriy yildan boshlab abituriyentlar oʻqishga kirish uchun hujjatlarini Davlat xizmatlari markazlari yoki Yagona interaktiv davlat xizmatlari portali orqali topshirish imkoniga ega boʻldilar. Oliy taʼlim muassasalariga oʻqishga qabul qilish boʻyicha kirish test sinovlari iyul-avgust oylarida oʻtkazilishi, abituriyent bir vaqtning oʻzida 3 ta bakalavriat taʼlim yoʻnalishida tanlovda ishtirok etishi mumkin. Oldingi oʻquv yillarida taʼlim muassasalarini tugatgan abituriyentlardan test sinovlarida ishtirok etishi uchun eng kam ish haqining yarim barobari miqdorida yigʻim undirilishadi.
Bu boradagi yangiliklar bilan umumtaʼlim maktablari va kasb-hunar kollejlari bitiruvchilarini batafsil tanishtirish uchun shu yilning 23-mayida Vazirlar Mahkamasi huzuridagi Davlat test markazining Qoraqalpogʻiston Respublikasi boʻlimi boshligʻi Muzaffar Abdullayev, xodimlari Dauletbay Koshkinbayev, Nurlibay Jumabayevlar tumanimizda boʻlishdi.
50 dan ziyod umumtaʼlim maktablari biruvchilari vakillari bilan suhbat tuman Madaniyat boʻlimi tomoshalar zalida, 3-sonli Amudaryo akademik litsey bitiruvchilari bilan litsey binosida oʻtkazildi hamda yoshlarni qiziqtirgan koʻplab savollarga javoblar berildi.
Tadbirlarni tuman Adliya boʻlimi boshligʻi Moʻʼminjon Matyusupov boshqarib bordi.
OTMlarga hujjat topshirish va test sinovlaridagi oʻzgarishlar targʻibotiga bagʻishlangan bu tadbirlar maktablar va oʻrta maxsus, kasb-hunar taʼlimi muassasalari bitiruvchilari uchun ayni muddao boʻldi.
O.RAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
