ШОГИРДЛАРИМ АЛБАТТА ВАТАН ФИДОЙИЛАРИ БЎЛИШАДИ
Мен 27 йилдан буён “Нумана” маҳалласидаги 52-сонли умумтаълим мактабида ёш авлодга таълим-тарбия беришдек шарафли ишда фаолият кўрсатаяпман. Таълим жараёнида замон билан ҳамнафас бўлиб, ўқитишнинг илғор услубларини қўллаган ҳолда дарсларни ташкил қилиб, ахборот коммуникация технологияларидан унумли ва самарали фойдаланган ҳолда сифатли таълим беришга ҳаракат қилмоқдаман.
Бир неча йиллардан буён мактаб директорининг маънавий-маърифий ишлар бўйича ўринбосари лавозимида фаолият кўрсатиб, оила, маҳалла ва таълим муассасаси ҳамкорлиги концепцияси доирасида маҳалла фаоллари билан ҳамкорликда ташкил этилган “Ота-оналар университети”да етакчи педагог сифатида ёш ота-оналарга бола тарбияси бўйича тушунчалар беришга ҳам вақт ажратаяпман.
Бугунги кунда муҳтарам Президентимиз Ш.Мирзиёевнинг таълим тизимига қаратаётган эътиборларидан руҳланиб, юртбошимиз томонидан илгари сурилган 5 та ташаббусни рўёбга чиқаришда жамоамиз билан ҳамжиҳатликда иш олиб бормоқдамиз.
18-Хитой сайлов округидан Халқ депутатлари туман Кенгаши депутати сифатида туманимизни ва маҳалламизни ривожлантириш борасидаги ишларда ҳам фаол иштирок этишга ҳаракат қиламан.
Ҳар бир депутат фаолиятининг асосий йўналиши бу – сайловчилар билан яқин алоқада бўлишдир. Шу боисдан ҳам мен ўз округимда йиғилишлар ўтказиб, сайловчиларим билан учрашувга, уларнинг муаммоларини, талаб ҳамда истакларини ўрганишга эътибор қаратаман.
Бугун ўқитувчи сифатида ёш авлодга таълим-тарбия беришда фаол иштирок қилаётганимдан ҳам, депутат сифатида эл хизматига ҳамиша камарбаста бўлаётганимдан ҳам ниҳоятда бахтиёрман.
Фурсатдан фойдаланиб, барча ҳамкасбларимни 1 октябрь – ўқитувчи ва мураббийлар куни байрами билан табриклаб, уларга ёш авлодга таълим-тарбия беришдек, эзгу ишларида муваффақиятлар тилайман.
Гулмирза БОБОЖОНОВ,
52-сонли умумтаълим мактаби ўқитувчиси,
Халқ депутатлари туман Кенгаши депутати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
