Бошланғич синф ўқувчиларида креатив фаоллик шакллантирилиб борилмоқда
Ёш авлодга таълим-тарбия бериш барча ўқитувчилар учун масъулиятли вазифадир. Ҳар бир ўқитувчи зиммасидаги бу масъулиятни ҳис қилган ҳолда самарадорликни ошириш учун ўз устида тинимсиз ишлаши, таълим жараёнида турли методларни қўллаб, натижага эришишга ҳаракат қилиши лозим. Айниқса, ўқувчилар билан индивидуал ва гуруҳ бўлиб ишлашишда уларнинг креатив, яъни ижодий фаоллигини шакллантириб бориш муҳим ўрин тутади.
Креативлик лотинча сўздан олинган бўлиб, яратувчанлик, ижодкорлик деган маъноларни билдиради. Қандайдир янги, бетакрор нарса ярата олиш лаёқати, бадиий шакл яратиш, фикрлаш, ғоя ва ечимга олиб келувчи ақлий жараёндир. Креатив фаоллик эса - ижодий жадаллик, жонбозлик, ишчанлик кўрсатишни англатади. Креатив фаолликни шакллантириш, айниқса, бошланғич синф ўқувчиларида зарур бўлиб, уларнинг яширин иқтидорларини рўёбга чиқариш имконини беради.
Бошланғич таълим йўналишида “Кластер”, “Идрок харита”, “Зинама-зина”, “ФСМУ” технологиялари ва “Ақлий ҳужум”, “Ролли ўйинлар”, “Кичик гуруҳларда ишлаш” “Ессе”, “Метаплан карта” ва “Финбоард” кабилар методлар креатив фаолликни шакллантирувчи методлардан ҳисобланади. Масалан, улардан “Идрок харита” методидан фикрларни тақдим қилиш ва боғлаш усули сифатида фойдаланилади. У ўқувчиларда тасаввур қилиш ва фикрларни тизимлаштириш, ўтилаётган мавзудаги бош ғоялар ёки асосий тушунчаларни, бирламчи тушунчаларни изоҳлашга ёрдам берувчи иккиламчи ва учламчи ғоялар ёки тушунчаларни ажратиш кўникма ва малакаларни шакллантиради.
Бизнинг 16-сонли ихтисослаштирилган давлат умумтаълим мактабимизда бошланғич синф услуб бирлашма раҳбарлари учун “Бошланғич синф ўқувчиларида креатив фаолликни ошириш” мавзусида ўтказилган семинарда ҳам айнан шу масалалар кенг муҳокама қилинди. Семинарда иштирок этган барча ўқитувчилар бу борада тажриба ва фикр алмашишди.
Ўқитувчилар дарс жараёнида фойдаланадиган бу методлар ва янги педагогик технологиялар таълим самарадорлигини ошириш билан бирга ўқувчиларнинг яратувчанликка интилишига, ижодий фикрлашига, етук шахс бўлиб ривожланишига замин яратади.
Азиза Тўраева, 16-сонли ИДУМ бошланғич таълим ўқитувчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
