Депутатликка номзодлар сайловчилар билан учрашди
Сайлов демократик ҳуқуқий давлат, эркин фуқаролик жамиятининг муҳим белгиси, халқнинг ўз хоҳиш-иродасини эркин ифода этиши, фуқароларнинг мамлакатимиз сиёсий ҳаёти, жамият ва давлат бошқарувида, давлат ҳокимиятини шакллантиришда бевосита иштирокининг асосий шаклидир.
Яқинлашиб келаётган Олий Мажлис Қонунчилик палатаси, Қорақалпоғистон Республикаси Жўқорғи Кенгеси, халқ депутатлари шаҳар ҳамда туман кенгашлари депутатлигига сайлов жараёнига тайёргарлик ишлари қизғин тус олмоқда. Партиялардан кўрсатилган номзодлар ҳамда уларнинг ишончли вакиллари сайловчилар билан учрашувлар, йиғилишлар ташкил қилишмоқда. Бундай учрашувларда сайловчилар номзодларнинг таржимаи ҳоллари ҳамда сайловолди дастурлари билан танишмоқдалар. Қолаверса, ўзларини қизиқтирган саволларга жавоблар олишмоқда.
Туманимизда шундай тадбирлардан бири 13 декабрь куни Чойкўл маданият уйида бўлиб ўтди. Учрашувда 26-Чойкўл сайлов округидан халқ депутатлари туман Кенгаши депутатлигига Тадбиркорлар ва ишбилармонлар ҳаракати – Ўзбекистон Либера-демократик партиясидан кўрсатилган номзод – туман ҳокими Султонбой Йўлдошевнинг ишончли вакили Муқаддас Бекназарова, “Миллик тикланиш” демократик партиясидан кўрсатилган номзод Раҳматулло Матқурбонов, Ўзбекистон Халқ демократик партиясидан кўрсатилган номзод Сайёра Жумаммуратова, “Адолат” социал-демократик партиясидан кўрсатилган номзод Баҳодир Ражабов ҳамда унинг ишончли вакили Санобар Нурмонова, Ўзбекистон Экологик партиясидан кўрсатилган номзод Шукурулло Юсуповлар иштирок этдилар.
Учрашувда номзодларнинг ишончли вакиллари сўзга чиқиб, уларнинг меҳнат фаолияти ва сайловолди дастурлари ҳақида маълумотлар берди. Номзодлар эса ўз маърузаларида келгусида амалга оширижак ишлари ҳақида батафсил маълумотлар берди.
Таъкидлаш керакки, мамлакатимизда сайлов ҳуқуқи Ўзбекистон Республикасининг Конституцияси, сайлов тўғрисидаги қонунлар ва бошқа ҳужжатларда ўз ифодасини топган. Шунингдек, ушбу қонун ҳужжатларида фуқароларнинг сайлов ҳуқуқи умумий, тенг, тўғридан тўғри ва яширин овоз бериш принциплари асосида амалга оширилиши белгиланган.
Сайлаш ҳуқуқига Ўзбекистон Республикаси Конституциясининг 117-моддаси 2-бандига биноан, 18 ёшга етган барча Ўзбекистон фуқаролари эгадирлар. Тенг сайлов ҳуқуқи деганда Ўзбекистон Республикаси фуқароларининг жинси, ирқий ва миллий мансублиги, тили, динга муносабати, ижтимоий келиб чиқиши, эътиқоди, шахсий ва ижтимоий мавқеи, маълумоти, машғулотининг тури ва хусусиятидан қатъи назар, тенг овоз беришда иштирок этиши тушунилади.
Жорий йилги сайловларни ҳам Конституция, Сайлов Кодекси ва қонунларда кўрсатилган тамойиллар асосида, халқаро ҳуқуқнинг умумэътироф этилган нормаларига биноан ўтказиш бўйича барча чоралар кўрилмоқда. Чойкўл овулида ўтказилган учрашув ҳам сайловчиларнинг номзодлар фаолияти билан яқиндан танишишлари ҳамда уларнинг сайлов қонунчилигидан хабардорлигини оширишда муҳим восита бўлди. Сайловчилар мазкур сиёсий жараённинг аҳамияти ҳамда сайлов тизими ҳақида керакли маълумотларга эга бўлибгина қолмай, ўзларини қизиқтирган саволларга жавоблар олдилар. Номзодлар сайловчиларни мамлакатимиз тарихида муҳим ўрин тутадиган сиёсий жараёнда ўз сисёсий ҳуқуқларидан оқилона фойдаланган ҳолда фаол иштирок этишга чақирди. Зеро, сайловларда ҳар бир сайловчининг овози муҳим аҳамиятга эга.
Чарос АРСЛОНОВА, туман ҳокимлиги ахборот хизмати раҳбари.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
