МАҚСАДИМИЗ – ЁШЛАРНИ БАРКАМОЛ ҚИЛИБ ВОЯГА ЕТКАЗИШ
Одатга ихчам, ортиқча ҳашамлардан холи, табиий матолардан тикилган кийимларни ўзига ярашиқли қилиб кийган, хушмомала қизларни, одобли болаларни кўрган одам албатта, ҳавас билан қарайди, ўғил-қзинг шундай бўлса-да, деб ўйлайди. Бу таълим-тарбия маҳсули.
Кейинги вақтларда ёшлар маънавиятини юксалтиришга эътибор тобора кучаяётгани ҳаётимизда ўзининг аксини топмоқда. Дуч келиб қолганимизда ҳатто кичкинтой ўғил-қизларнинг ҳам ширин тилда салом бериши кўнглимизни кўтариб юборади.
Қарс икки қўлдан чиқади, деганларидай, ёш авлод таълим-тарбияси, уларнинг қандай характерли бўлиб вояга етиши албатта, оила ва таълим муассасасига боғлиқ.
Шуларни инобатга олиб, бизнинг 76-сонли мактаб бошланғич хотин-қизлар ташкилотимиз ўқувчиларимизнинг одобли, илмли ва интилувчан бўлиб улғайишлари учун кўпгина чора-тадбирларни амалга оширмоқда. Жумладан, жорий ўқув йили бошидан бери мактаб маъмурияти билан ҳамкорликда ўқувчи ёшларни мустақил ҳаётга тайёрлаш, келажаги учун қатъий бирор мутахссислик ва касб-ҳунарни танлашига кўмаклашиш мақсадида “Касбим-фахрим” , “Қизлар – бўлғуси оналар”, шунингдек, 10-11 синфлар ўқувчилари орасида “Мобил телефонда гаплашиш одоби”, шифокорларни жалб қилган ҳолда “Вирусли гепатит: ундан қандай сақланиш мумкин?” “Одобинг – зийнатинг” каби мавзуларда давра суҳбатлари ўтказдик.
Одатда бунингдек тадбирлар шунчаки режа учун қилинаётгандай туюлади баъзиларга. Бироқ синчиклаб назар солсангиз – албатта натижасини англайсиз. Буни мактабимизда ўтказилган “Касбим - фахрим” мавзуидаги давра суҳбати мисолида айтмоқчиман. 10-синфда қобилиятли, бироқ сал димоғдорроқ ўқувчимиз бор эди. Ўша суҳбатда турли соҳалар меҳнат фахрийларининг ўз ҳаёт йўли, фаолияти, касбнинг яхши ёмони бўлмаслиги, энг муҳими одам қайси касбни танласа-да, ҳалол ихлос билан ишласа, обрў-эътибор топиши ҳақидаги сўзлари ўша ўқувчимизга жуда таъсир қилди, дарс машғулотларига масъулият билан тайёрланиб келадиган бўлди. Ҳозир унинг хулқи ижобий томонга ўзгарган.
Таълим-тарбияда йўлида қилинган эзгу иш изсиз кетмайди. Бу эса ўқитувчининг ютуғи.
Демоқчиманки, ота-оналарнинг ҳам, таълим муассасаларининг ҳам кўзлаган мақсадлари бир: ёшларни баркамол қилиб вояга етказиш. Шундай экан, уларнинг кўнглига йўл топиш, яхшиликка етаклаш учун барча чоралардан фойдаланмоғимиз керак.
Холбика ТЛЕНБОЕВА,
76-сонли мактаб бошланғич хотин-қизлар ташкилоти раиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
