ФАН ОЙЛИГИ ДОИРАСИДАГИ ТАДБИРЛАР УМУМЛАШТИРИЛДИ
Туманимиздаги барча умумтаълим мактабларида математика ва информатика фан ойлиги давомида бири-биридан қизиқарли билимдонлик беллашувлари, ақлни чархловчи заковат ўйинлари, синфлараро ҳамда мактаблараро математика-информатика фестиваллари ташкиллаштирилиб, таассуротларга бой ўтди.
Математика ва информатика фан ойлиги доирасидаги тадбирларга 40-сонли умумтаълим мактабида ҳам кенг ўрин берилди. Хусусан, мактабнинг 5-синф ўқувчилари иштирокида аввал мактаб миқёсида ўтказилган “Билимлар баҳси” математик амаллар бўйича мусобақалар кейинчалик дўстона беллашувларга айланди. Мактабнинг 5-синф ўқувчилари “Билимдонлар баҳси”га 31-сонли умумтаълим мактаби ўқувчиларини ҳам чорладилар.
Тадбирда дастлаб маъруза қилган ўқувчилар буюк бобокалонимиз Ал-Хоразмий асос солган 1 дан 9 гача бўлган саноқ тизимининг жаҳон математика оламида, иқтисодиётида тутган ўрни, қурилиш, меъморчилик, муҳандислик, шунингдек, жамиятимизнинг барча соҳаларини юксак тараққиёт сари элтишдаги тенгсиз аҳамияти ҳақида сўз юритдилар. Шунингдек, энг машҳур асари “Алжабр ва Алмуқобала”да у квадрат ва бир чизиқли тенгламанинг олти турини, ҳамда “алгоритм” тушунчасини кенг тавсифлаб берганлигини, бундан келиб чиқиб ўнлик системани топиш келтирилганлиги, натижада “алгоритм” атамаси Ал-Хоразмий номидан келиб чиққанлигини фахр билан айтиб ўтдилар. Ўқувчилар шундан сўнг, оддий ва мураккаб амалларни бажариш борасида ўз билимларини намоён этишди.
Бундан ташқари, 6-7-синфлар ўртасида бўлиб ўтган “Математика – ҳақиқат демакдир”, 8-9-10-синфлар ўртасида бўлиб ўтган “Ўйла, изла, топ”, “Ким чаққон-у ким эпчил?” мавзуларидаги беллашувлар янада қизиқарли бўлди. Ўқувчилар томонидан тайёрланган кўргазмали қуроллар, мамлакатимизнинг барча соҳаларидаги математика ва информатика фанларининг тутган ўрнини акс ээтирувчи саҳна кўринишлари, шунингдек ўқувчиларнинг қобилиятларини намоён этган математик ўйинлар, заковатга, чаққонлик ва эпчиликка чорловчи информатика фанига оид компьютер ишланмалари барчани фикрлашга, ҳар бир мисол ва масала устида фаол ишлашга ундагани билан жуда қизиқарли бўлди.
Бири-биридан қизиқарли математик амалларни, мураккаб тенгламаларни бажаришда синфлараро ва мактаблараро ўтказилган “Билимдонлар баҳси” беллашувлари фан ойлиги доирасидаги энг қизиқарли тадбир бўлди. Чунки 31-сонли мактабнинг математика ва информатика фанлари билимдонлари билан баҳслашиш мактаб ўқувчилари учун осон бўлмади. Бунда иккала мактаб ўқувчилари ғолиблик учун дўстона куч синашдилар. Албатта, бу баҳсларда самимият ва дўстлик ғалаба қилди. Иккала мактабнинг ёш математика ва информатика фани билимдонлари бир-бирларидан ўрганиб, билимларини янада мустаҳкамладилар.
Математика ва информатика фан ойлиги доирасида бўлиб ўтган барча тадбирлар умумлаштирилди ва фан ойлигининг якуний қисми “Математика ва информатика фестивали” деб номланди. Унда фан ойлиги доирасидаги тадбирларда фаол иштирок этган ўқувчиларнинг математика ва информатика фанини қай даражада ўзлаштирганликларига баҳо берилди. Синфлараро ва мактаблараро беллашувларда ўзларининг билимдонликларини, алоҳида қобилиятга эга эканликларини намоён этган бир гуруҳ ўқувчилар эса мактаб маъмурияти томонидан муносиб тақдирландилар.
Робия ЙЎЛДОШЕВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
