МАҚСАДИМИЗ – ИЛМЛИ ВА ЮҚОРИ КАСБИЙ МАҲОРАТГА ЭГА ЁШЛАРНИ ТАРБИЯЛАШ
Туманимизда 2020-2021 ўқув йилида ташкил этилган 1-сон касб-ҳунар мактаби ҳам илмга интилувчан, ўзлари танлаган касб-ҳунарни эгаллашга иштиёқманд ёшларнинг иқтидорларини намоён этишлари, мукаммал ўрта махсус таълим олиш ва касб-ҳунар эгаллашлари учун давлатимиз томонидан яратилган катта имкониятлардан бири ҳисобланади.
Қорақалпоғистон Республикаси касбий таълимни ривожлантириш ва мувофиқлаштириш бошқармасига қарашли мазкур касб-ҳунар мактабининг қуввати 900 ўқувчи ўринга мўлжалланган бўлиб, умумий ер майдони 5,17 гектарни ташкил этади. Муассаса 1 та ўқув биноси ва 100 ўринли ётоқхона ҳамда амалий машғулотлар учун махсус устахонага эга.
Айни кунда кадрлар тайёрлаш режалаштирилаётган касб ва мутахассисликлар бўйича лойиҳалар шакллантирилиб, 2020-2021 ўқув йили учун ўқувчиларни танлаш ва қабул қилиш ишлари ниҳоясига етказилмоқда. Жорий ўқув йили учун 6 та мутахассислик бўйича 180 нафар ўқувчига қабул квотаси режалаштирилган. Касб-ҳунар мактабида асосан автомобилларни таъмирлаш чилангари, асаларичи, пайвандловчи (электр газ пайвандлаш ишлари бўйича), тикувчи, иссиқхона ва парник хўжалиги лаборанти, қишлоқ хўжалиги машиналарини таъмирлаш чилангари йўналишлари бўйича мутахассислар тайёрланади. Кадрлар буюртмачилари билан шартномалар тузиш, синфхоналарни кадрлар тайёрлашга режалаштирилаётган касб ва мутахассисликлар учун мос жиҳозлар билан таъминлаш, иссиқхона ва парник хўжалигини ташкил этиш, ўқув муассасаси биноси атрофини ободонлаштириш ишларига алоҳида эътибор қаратилмоқда.
1 октябрь – Ўқитувчи ва мураббийлар куни. Ушбу қутлуғ кунда таълимнинг янги йўналишида ўз фаолиятларини бошлаётган касб-ҳунар мактаблари ўқитувчиларини, туманимиздаги барча устоз ва мураббийларни байрам билан муборакбод этаман!
А.БОЛТАБОЕВ, Амударё тумани 1-сонли касб-ҳунар мактаби директори.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
