МАКТАБГАЧА ТАЪЛИМ МАЗМУНИ ДАВР – ТАЛАБИ
Ҳозирги кунда мактабгача таълим мазмунини ўзига хос услубий ҳамда педагогик-психологик тажрибалар асосида бойитиб бориш давр талабига айланди. Чунки мактабгача таълим мазмуни кенг тушунча бўлиб, уни самарали амалга ошириш мактабгача таълим муассасасининг ҳолати, тарбиячи-педагоглар, тарбиячи ёрдамчилари, ота-оналар ҳамда тарбияланувчиларнинг таълим жараёнидаги иштирокида юзага келадиган жараёндир.
Бизнинг 5-МТТда “Илк ва мактабгача ёшдаги болалар ривожланишига қўйиладиган Давлат талаблари” ҳамда “Илк қадам” Давлат ўқув дастури асосида иш олиб борилади. Бу дастур бўйича МТТ услубчиси Г.Йўлдошева тушунтириш ишлари олиб боради. МТТда илк ва мактабгача ёшдаги болалар таълим-тарбияси бўйича режага қўйиладиган давлат талабларидан кутилаётган натижага кўра, болалар билими, кўникмалари ва тарбиячининг малака кўрсаткичи муҳим аҳамиятга эга. Давлат талаблари бўйича болада жисмоний ривожланиш ва соғлом турмуш тарзини шакллантириш, иштимоий ҳиссий ривожланиши, нутқ, мулоқот, ўқиш ва ёзиш малакалари: билиш жараёнининг ривожланиши, ижодий ривожланиш бўйича билимга эга бўлиши керак. Бу билимларни болага сингдиришда биз – тарбиячиларнинг роли катта. Ҳар бир болага меҳр кўрсатиб, тарбия жараёнини ташкил этсак, албатта кутилган натижага эришилади.
Шу вазифаларни адо етишда болаларнинг соғлом ва бақувват, зийрак бўлиб улғайишида ота-оналар ҳам бефарқ бўлмасликлари керак. Зеро, ота-оналарнинг ўз фарзандлари камолотини яратишдаги роли мактабгача таълим ташкилоти мақсадлари ва мазмуни билан уйғунлашгандагина аъло натижаларга эришиш мумкин.
Холида ХАЙТБОЕВА, 5-сонли МТТ тарбиячиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
