ЎҚИБ-ЎРГАНИШДАН АСЛО ТЎХТАМАЙМИЗ
Бугун менинг, мен каби мамлакатимизда умумтаълим мактабларини битираётган 438 минг нафар тенгдошларимнинг ҳаётида энг ҳаяжонли, шу билан бирга қувончли кун. Чунки бугундан биз жўшқин ҳаёт сари мустақил қадам ташлаймиз. Ҳар биримизни ота-онамиздай севиб, ардоқлаб, таълим-тарбия берган азиз устозлар, қадрдон мактабимиз билан хайрлашамиз.
Айни шу дақиқаларда сўнгги қўнғироқ жаранггига ҳамоҳанг муҳтарам Президентимизнинг биз – битирувчи-ёшларга табриги ҳам қалбларимизда қайта-қайта жарангламоқда. Бу – бизга билдирилаётган эзгу тилак, Президентимизнинг юксак ишончи!
“ - Мен сизларга ишонаман, ёш дўстларим!” – дедилар Президентимиз мамлакатимиз ёшларига қарата.
Чунки жонажон Ўзбекистонимизда биз ёшларнинг ўқиб, билим олишимиз, ўз қобилиятларимизни амалда намоён этишимиз учун барча шароитлар яратиб берилган. Қолаверса, битирувчи ёшларни олий таълим билан қамраб олиш жорий йилда 28 фоизга етказилиши белгилангани ҳар бир битирувчи қалбида умид, ўзига ишонч туйғуларини уйғотади. Айниқса, сўнгги 5 йилда бакалавриат босқичида 134 та, магистратурада 147 та мутахассислик янгидан ташкил этилгани биз битирувчилар учун янги имкон эшикларини очиши табиий.
- Ўрганиш, изланиш ва интилишдан асло тўхтаманг! Сизларнинг ютуқ ва ғалабаларингизга ишонаман, азиз болаларим!” – дея Президентимиз бизга ишонч билан оқ йўл тилаб турганларида биз ёшлар ана шу ишонч ва яратиб қўйилган имкониятлардан самарали фойдаланган ҳолда ўз орзуларимиз сари дадил қадам ташлаймиз ва Президентимизга сўз берамиз:
- Юксак ишончингизга муносиб бўлиш учун ўқиб-ўрганишдан асло тўхтамаймиз, Президент бобо!
Қундузой ҚОДИРОВА, 42-сонли умумтаълим мактаби битирувчиси,
“Ёш журналист ва нотиқ” тўгараги аъзоси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
