КОРРУПЦИЯ ВА ПОРАХЎРЛИКНИНГ ОЛДИНИ ОЛИШ МАВЗУСИДА СУД МАСЪУЛЛАРИНИНГ УЧРАШУВИ ЎТКАЗИЛДИ
Маълумки, Олий Мажлис Сенати раиси Танзила Норбоева ҳамда Қорақалпоғистон Республикаси Жўқорғи Кенгеси Раиси Мурод Камолов томонидан тасдиқланган Қорақалпоғистон Республикасида жиноятларни жиловлаш, жиноятчилик профилактикасини янада такомиллаштириш, одил судловни таъминлаш ва коррупциядан ҳоли ҳудудга айлантириш бўйича Йўл харитаси тасдиқланган эди. Мазкур Йўл харитасининг 24-бандида Қорақалпоғистон Республикаси суди ва Қорақалпоғистон Республикаси маъмурий суди раислари ҳамда Ички ишлар вазири томонидан судьяларнинг фуқаролар ўзини ўзи бошқариш органлари билан ҳамкорликда ҳудуддаги профилактика инспекторларини жалб этган ҳолда жиноятчилик ва ҳуқуқбузарликларни олдини олишга қаратилган аниқ мақсадга йўналтирилган тадбирлар ўтказиши белгиланган.
26 май куни Йўл харитада белгиланган вазифалар ижросини таъминлаш мақсадида Тошқалъа ва Бешовул маҳаллаларида коррупция ва порахўрликнинг олдини олиш мавзусида суд масъулларининг учрашуви ўтказилди. Ушбу учрашувда Фуқаролик ишлари бўйича туман суди раиси Қайрулла Атамурадов, туман прокуратураси ҳамда маҳалла фуқаролар йиғинлари масъуллари, фаоллари иштирок этдилар.
Тадбирда Қорақалпоғистон Республикасида жиноятларни жиловлаш, жиноятчилик профилактикасини янада такомиллаштириш, одил судловни таъминлаш ва коррупциядан ҳоли ҳудудга айлантириш бўйича Йўл харитасида белгиланган вазифаларни ижроси, амалга оширилаётган чора-тадбирлар хусусида сўз юритилди.
Шунингдек, 2021 йил 8 февраль куни қабул қилинган Ўзбекистон Республикаси Сайлов қонунчилиги такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш, Ўзбекистон Республикасининг Конститутциясига ўзгартиришлар киритиш тўғрисидаги Қонунлар мазмун-моҳияти тушунтирилди.
Тадбир давомида масъуллар коррупциянинг салбий оқибатлари, унинг олдини олиш чоралари, ҳамжиҳатликда қарши курашиш кабилар борасида фикр-мулоҳазалар билдириб, алоҳида тўхталиб ўтишди.
Таъкидланганидек, коррупция сиёсий жиҳатдан олганда, коррупция амалга оширилаётган иқтисодий-ижтимоий ислоҳотларга қаршилик кўрсатувчи ва тўсиқ бўлувчи омилларни вужудга келтиради. Шунингдек, жиноятчилик ва коррупциянинг авж олиши давлатнинг конституциявий асосларини емиради, фуқароларнинг ҳуқуқ ва эркинликлари жиддий тарзда бузилишига олиб келади.
Коррупцияга қарши курашишда аҳолининг ҳуқуқий онги ва ҳуқуқий маданиятини юксалтириш, жамиятда коррупцияга нисбатан муросасиз муносабатни шакллантириш, давлат органлари ва бош¬қа ташкилотлар ходимларининг ҳуқуқий саводхонлигини ошириш, таълим муассасаларида коррупция¬га қарши курашиш соҳасидаги ҳуқуқий таълим ва тарбия масалаларига алоҳида эътибор қаратиш муҳим аҳамият касб этади. Чунки ҳуқуқий онг ва ҳуқуқий маданияти юксак ва етук бўлган инсонлар салбий иллат бўлмиш коррупцияга йўл қўймайди.
Тадбирда иштирокчилари суд-ҳуқуқ соҳаси масъулларига ўзларини қизиқтирган саволлар билан мурожаат қилдилар. Масъуллар томонидан уларга батафсил жавоблар берилди.
Қ.Атамурадов, Фуқаролик ишлари бўйича Амударё тумани суди раиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
