Қорақалпоғистон Республикаси Мактабгача таълим вазирлиги томонидан сайёр қабул ўтказилди
25 июнь куни туманимизда Қорақалпоғистон Республикаси Мактабгача таълим вазирлиги томонидан сайёр қабул ўтказилди. Сайёр қабул Чойкўл овулида туман Мактабгача таълим бўлимига қарашли 30-сонли мактабгача таълим ташкилотида бўлиб ўтди.
Сайёр қабулда Қорақалпоғистон Республикаси Мактабгача таълим вазирининг биринчи ўринбосари Тиркашбой Байжанов, Кадрлар масалалари бўйича мутахассис Ислом Ембергенов, Болалар саломатлиги ва хавфсиз овқатланишини таъминлаш бўлими мутахассиси Роҳат Ишмуратов, ахборот-коммуникация технологиялари бўйича мутахассис Бегдияр Тлеуов, Жисмоний ва юридик шахсларнинг мурожаатлари билан ишлаш мутахиссиси Султонниёз Хакимниязов, Амударё тумани Давлат хизматлари маркази бош мутахассиси Бобур Қадамовлар қатнашдилар. Шунингдек, туман мактабгача таълим бўлими ходимлари, мактабгача таълим ташкилотлари тарбиячилари, ота-оналар иштирок этдилар.
Сайёр қабул жараёнида мутасаддилар мамлакатимизда мактабгача таълим соҳасидаги ислоҳотлар, болаларни мактабгача таълим ташкилотларига қабул қилиш, кадрлар салоҳиятини ошириш, ходимларнинг малакасини ошириш, Мактабгача таълимни бошқариш ахборот тизими, яъни ЭМИС дастурида ишлаш ва давлат хизматлари маркази томонидан болаларни мактабгача таълим ташкилотларига навбатга қўйиш бўйича киритилган ўзгартириш ва қўшимчалар бўйича кенг турда тушунчалар бериб ўтдилар.
Сайёр қабулда “Вазирлар Маҳкамасининг «Болаларни давлат мактабгача таълим муассасаларига қабул қилиш бўйича давлат хизматлари кўрсатишнинг маъмурий регламентини тасдиқлаш тўғрисида» 2018 йил 28 мартдаги 244-сон қарорига ўзгартиришлар киритиш ҳақида”ги Ўзбекистон Республикаси Вазирлар Маҳкамасининг қарори мазмун-моҳияти хусусида ҳам сўз юритилди.
Масъуллар сайёр қабулда иштирок этаётганларни қизиқтирган саволларга жавоблар бердилар. Иштирокчилар томонидан йўлланган мурожаатларни ҳал қилиш ҳамда уларни қийнаётган муаммолар ўз ечимини топишида тегишли маъуллар билан келишилди.
Чарос Арслонова, туман ҳокимлиги Ахборот хизмати раҳбари.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
