Qoraqalpogʻiston Respublikasi Maktabgacha taʼlim vazirligi tomonidan sayyor qabul oʻtkazildi
25-iyun kuni tumanimizda Qoraqalpogʻiston Respublikasi Maktabgacha taʼlim vazirligi tomonidan sayyor qabul oʻtkazildi. Sayyor qabul Choykoʻl ovulida tuman Maktabgacha taʼlim boʻlimiga qarashli 30-sonli maktabgacha taʼlim tashkilotida boʻlib oʻtdi.
Sayyor qabulda Qoraqalpogʻiston Respublikasi Maktabgacha taʼlim vazirining birinchi oʻrinbosari Tirkashboy Bayjanov, Kadrlar masalalari boʻyicha mutaxassis Islom Yembergenov, Bolalar salomatligi va xavfsiz ovqatlanishini taʼminlash boʻlimi mutaxassisi Rohat Ishmuratov, axborot-kommunikatsiya texnologiyalari boʻyicha mutaxassis Begdiyar Tleuov, Jismoniy va yuridik shaxslarning murojaatlari bilan ishlash mutaxissisi Sultonniyoz Xakimniyazov, Amudaryo tumani Davlat xizmatlari markazi bosh mutaxassisi Bobur Qadamovlar qatnashdilar. Shuningdek, tuman maktabgacha taʼlim boʻlimi xodimlari, maktabgacha taʼlim tashkilotlari tarbiyachilari, ota-onalar ishtirok etdilar.
Sayyor qabul jarayonida mutasaddilar mamlakatimizda maktabgacha taʼlim sohasidagi islohotlar, bolalarni maktabgacha taʼlim tashkilotlariga qabul qilish, kadrlar salohiyatini oshirish, xodimlarning malakasini oshirish, Maktabgacha taʼlimni boshqarish axborot tizimi, yaʼni EMIS dasturida ishlash va davlat xizmatlari markazi tomonidan bolalarni maktabgacha taʼlim tashkilotlariga navbatga qoʻyish boʻyicha kiritilgan oʻzgartirish va qoʻshimchalar boʻyicha keng turda tushunchalar berib oʻtdilar.
Sayyor qabulda “Vazirlar Mahkamasining «Bolalarni davlat maktabgacha taʼlim muassasalariga qabul qilish boʻyicha davlat xizmatlari koʻrsatishning maʼmuriy reglamentini tasdiqlash toʻgʻrisida» 2018-yil 28-martdagi 244-son qaroriga oʻzgartirishlar kiritish haqida”gi Oʻzbekiston Respublikasi Vazirlar Mahkamasining qarori mazmun-mohiyati xususida ham soʻz yuritildi.
Masʼullar sayyor qabulda ishtirok etayotganlarni qiziqtirgan savollarga javoblar berdilar. Ishtirokchilar tomonidan yoʻllangan murojaatlarni hal qilish hamda ularni qiynayotgan muammolar oʻz yechimini topishida tegishli maʼullar bilan kelishildi.
Charos Arslonova, tuman hokimligi Axborot xizmati rahbari.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
