Амударё тумани Давлат хизматлари маркази томонидан йил бошидан буён 30 минг 117 та давлат хизматлари кўрсатилди

Мамлакатимизда сўнгги йилларда аҳолига давлат хизматлари кўрсатиш тизими изчил ва тизимли ислоҳ қилинмоқда ҳамда такомиллаштирилмоқда. Ҳар бир туманда, шаҳарда Давлат хизматлари марказлари ташкил этилди ва улар томонидан ўнлаб давлат хизматлар кўрсатилмоқда. Давлат хизматлари марказларига ташриф буюрувчи аҳоли ва тадбиркорлик субектлари сони тобора ортиб бормоқда.

Аҳолига қулай шарт-шароитлар яратиш ҳамда давлат хизматлари кўрсатиш тизимига замонавий ахборот-коммуникация технологияларини жорий этиш давом эттирилишини таъминлаш мақсадида имзоланган Ўзбекистон Республикаси Президентининг “Давлат хизматлари кўрсатиш миллий тизимини жадал ривожлантириш бўйича қўшимча чора-тадбирлар тўғрисида Фармони” мазкур тизимни янада ривожлантиришда муҳим ҳужжат бўлиб хизмат қилмоқда.

Амударё тумани Давлат хизматлари маркази бугинги кунда аҳолига сифатли ва тезкор давлат хизматиларини кўрсатиб келмоқда. Жорий йилнинг шу даврига қадар марказ томонидан кўрсатилган жами давлат хизматлари сони 30 минг 117 тани ташкил қилди. Йил бошидан буён 235 та тадбиркорлик субьектлари давлат рўйхатидан ўтказилган бўлиб, шундан юридик шахслар 113 тани, якка тартибдаги тадбиркорлар 122 тани ташкил қилади.

Шунингдек, тадбиркорлик субьектларини қайта рўйхатдан ўтказиш кўрсаткичи 61 тани ташкил қилган бўлса, уларнинг 42 таси юридик шахслар, 19 таси якка тартибдаги тадбиркорлардир. Тадбиркорлик субъектларини давлат реестридан чиқариш бўйича 26 та ариза қаноатлантирилган. Реестрдан чиқарилганларнинг 12 таси юридик шахслар, 14 таси эса якка тартибдаги тадбиркорлардир. 

Туман Давлат хизматилари маркази томонидан ўтказилган тарғибот тадбирлари ҳамда сайёр қабуллар давомида кўрсатилган сайёр давлат хизматлари сони 1530 ни ташкил қилди.

Жорий йилнинг I чораги давомида 42 та таълим муасссаларида семинар, 22 та маҳалла, меҳнат жамоаларида тарғибот-тушунтириш ишлари ҳамда сайёр қабуллар ташкил қилинди. Амалга оширилган тарғибот тадбирларида 1500га яқин аҳоли вакиллари қатнашиб, электрон давлат хизматларидан фойдаланиш кўникмалари ҳақида тушунтиришлар берилган.

Айтиш керакки, 2021 йининг 28 апрель санасида аҳолини ижтимоий ҳимоя қилиш соҳасида давлат хизматлари кўрсатиш тизимини янада такомиллаштириш ҳамда аҳолининг ижтимоий ҳимояга муҳтож қатламларига ёрдам кўрсатиш соҳасидаги фаолиятга ахборот-коммуникация технологияларини жорий қилиш мақсадида Вазирлар Маҳкамасининг Ўзбекистон Республикаси Вазирлар Маҳкамасининг “Ижтимоий ҳимояга муҳтож айрим тоифадаги фуқароларга нафақа тайинлаш бўйича давлат хизматлари кўрсатишнинг маъмурий регламентини тасдиқлаш тўғрисида”ги қарори қабул қилинди.

Мазкур қарорга мувофиқ ижтимоий ҳимояга муҳтож айрим тоифадаги фуқароларга нафақа тайинлашни давлат хизматлари марказлари ва Ўзбекистон Республикаси Ягона интерактив давлат хизматлари портали орқали амалга ошириш тартиби жорий этилди. Ушбу қонун ҳужжати ижросини таъминлаш борасида туман Давлат хизматлари маркази томонидан самарали ишлар олиб борилмоқда.

Маълумот тариқасида айтиш керакки, туман Давлат хизматлари маркази биносида Ҳалқ банкнинг кассаси жойлаштирилиши марказга ташриф буюрган фуқароларга қатор қулайликлар яратди.

Махсус касса орқали марказ биносига яқин жойлашган давлат идораларидаги тўловларнинг тўланиши ҳам фуқароларнинг оворагарчиликларининг олдини олишга ва уларнинг моддий ҳаражатларининг тежалишига ёрдам беради.  

Туман ҳокимлигининг Ахборот хизмати.