Amudaryo tumani Davlat xizmatlari markazi tomonidan yil boshidan buyon 30 ming 117 ta davlat xizmatlari koʻrsatildi

Mamlakatimizda soʻnggi yillarda aholiga davlat xizmatlari koʻrsatish tizimi izchil va tizimli isloh qilinmoqda hamda takomillashtirilmoqda. Har bir tumanda, shaharda Davlat xizmatlari markazlari tashkil etildi va ular tomonidan oʻnlab davlat xizmatlar koʻrsatilmoqda. Davlat xizmatlari markazlariga tashrif buyuruvchi aholi va tadbirkorlik subektlari soni tobora ortib bormoqda.

Aholiga qulay shart-sharoitlar yaratish hamda davlat xizmatlari koʻrsatish tizimiga zamonaviy axborot-kommunikatsiya texnologiyalarini joriy etish davom ettirilishini taʼminlash maqsadida imzolangan Oʻzbekiston Respublikasi Prezidentining “Davlat xizmatlari koʻrsatish milliy tizimini jadal rivojlantirish boʻyicha qoʻshimcha chora-tadbirlar toʻgʻrisida Farmoni” mazkur tizimni yanada rivojlantirishda muhim hujjat boʻlib xizmat qilmoqda.

Amudaryo tumani Davlat xizmatlari markazi bugingi kunda aholiga sifatli va tezkor davlat xizmatilarini koʻrsatib kelmoqda. Joriy yilning shu davriga qadar markaz tomonidan koʻrsatilgan jami davlat xizmatlari soni 30 ming 117 tani tashkil qildi. Yil boshidan buyon 235 ta tadbirkorlik subektlari davlat roʻyxatidan oʻtkazilgan boʻlib, shundan yuridik shaxslar 113 tani, yakka tartibdagi tadbirkorlar 122 tani tashkil qiladi.

Shuningdek, tadbirkorlik subektlarini qayta roʻyxatdan oʻtkazish koʻrsatkichi 61 tani tashkil qilgan boʻlsa, ularning 42 tasi yuridik shaxslar, 19 tasi yakka tartibdagi tadbirkorlardir. Tadbirkorlik subʼektlarini davlat reyestridan chiqarish boʻyicha 26 ta ariza qanoatlantirilgan. Reyestrdan chiqarilganlarning 12 tasi yuridik shaxslar, 14 tasi esa yakka tartibdagi tadbirkorlardir. 

Tuman Davlat xizmatilari markazi tomonidan oʻtkazilgan targʻibot tadbirlari hamda sayyor qabullar davomida koʻrsatilgan sayyor davlat xizmatlari soni 1530 ni tashkil qildi.

Joriy yilning I choragi davomida 42 ta taʼlim muasssalarida seminar, 22 ta mahalla, mehnat jamoalarida targʻibot-tushuntirish ishlari hamda sayyor qabullar tashkil qilindi. Amalga oshirilgan targʻibot tadbirlarida 1500ga yaqin aholi vakillari qatnashib, elektron davlat xizmatlaridan foydalanish koʻnikmalari haqida tushuntirishlar berilgan.

Aytish kerakki, 2021 yining 28-aprel sanasida aholini ijtimoiy himoya qilish sohasida davlat xizmatlari koʻrsatish tizimini yanada takomillashtirish hamda aholining ijtimoiy himoyaga muhtoj qatlamlariga yordam koʻrsatish sohasidagi faoliyatga axborot-kommunikatsiya texnologiyalarini joriy qilish maqsadida Vazirlar Mahkamasining Oʻzbekiston Respublikasi Vazirlar Mahkamasining “Ijtimoiy himoyaga muhtoj ayrim toifadagi fuqarolarga nafaqa tayinlash boʻyicha davlat xizmatlari koʻrsatishning maʼmuriy reglamentini tasdiqlash toʻgʻrisida”gi qarori qabul qilindi.

Mazkur qarorga muvofiq ijtimoiy himoyaga muhtoj ayrim toifadagi fuqarolarga nafaqa tayinlashni davlat xizmatlari markazlari va Oʻzbekiston Respublikasi Yagona interaktiv davlat xizmatlari portali orqali amalga oshirish tartibi joriy etildi. Ushbu qonun hujjati ijrosini taʼminlash borasida tuman Davlat xizmatlari markazi tomonidan samarali ishlar olib borilmoqda.

Maʼlumot tariqasida aytish kerakki, tuman Davlat xizmatlari markazi binosida Halq bankning kassasi joylashtirilishi markazga tashrif buyurgan fuqarolarga qator qulayliklar yaratdi.

Maxsus kassa orqali markaz binosiga yaqin joylashgan davlat idoralaridagi toʻlovlarning toʻlanishi ham fuqarolarning ovoragarchiliklarining oldini olishga va ularning moddiy harajatlarining tejalishiga yordam beradi.  

Tuman hokimligining Axborot xizmati.