ЯНГИ ЎҚУВ ЙИЛИ ОЛДИДАН РЕСПУБЛИКА ЎҚУВ-АМАЛИЙ СЕМИНАРИ ЎТКАЗИЛДИ
Шу кунларда мамлакатимиздаги барча таълим-тарбия муассасаларида янги 2021-2022 ўқув йилига тайёргарлик ишлари ниҳоясига етказилиб, бошланажак янги ўқув йилида таълим тизимида кутилаётган янгиликлар, инновацион педтехнологик лойиҳалар, жаҳон андозаларига мутаносиб янги услубий тажрибалар ва уларни амалиётга татбиқ этиш юзасидан ўқув-семинар машғулотлари ва амалий-ўқув тажриба алмашув семинарлари бўлиб ўтмоқда.
Жорий йилнинг 24 август санасида туманимиздаги 55-сонли умумтаълим мактабида бўлиб ўтган амалий-ўқув семинари ҳам таълим-тарбия соҳасида рўй бераётган янгиликлар, соҳа мутахассисларининг янги тажрибаларига бағишланди.
Қорақалпоғистон Республикаси Халқ таълими Вазирлиги томонидан 2020-2021 ўқув йили давомида таълим сифатини ва педагог кадрларнинг салоҳиятини оширишга қаратилган чора-тадбирлар натижаси ҳамда 2021-2022 ўқув йилида “Таълим сифатини ошириш ва самарадорликка эришиш” мавзусида ўтказилган мазкур Республика амалий-ўқув семинарида Амударё, Тахиатош, Нукус туманлари ҳамда Нукус шаҳар халқ таълими бўлимларининг таълим сифатини мониторинг қилиш бўлими ходимлари, Халқаро баҳолаш дастурлари бўйича танянч мактабларининг ўқув ишлари бўйича директор ўринбосарлари ҳамда умумтаълим мактабларининг директор ўринбосарлари иштирок этдилар.
Замонавий инновацион педтехнологияларни оммалаштириш тажрибаси ва ўқитувчилар билан ишлашишда улар томонидан тавсия этилаётган янгича услуб ва тажрибаларни амалиётга кенг жорий этиш мақсадида ташкил этилган амалий-ўқув семинарини туман Халқ таълими бўлими мудири Акмал Исмоилов очди ва пандемия шароитида ўтган 2020-2021 ўқув йили якунлари ҳамда бошланаётган 2021-2022 янги ўқув йилида соҳада кутилаётган янгиликлар, туман ХТБ томонидан режалаштирилаётган амалий тадбирлар хусусида батафсил тўхталиб ўтди. Шундан сўнг, кун тартибидаги “Педагог кадрларнинг салоҳиятини оширишга қаратилган тадбирлар” ва “Умумтаълим мактабларининг мактаб рейтинг жараёнига қатнашишнинг аҳамияти ва ундаги вазифалар” хусусида Қорақалпоғистон Республикаси Халқ таълими Вазирлигининг таълим сифатини мониторинг қилиш бўлими бошлиғи Ҳамидулла Бегдуллаев, “Халқаро баҳолаш дастурлари доирасида амалга оширилган ишлар ва таянч мактаблар олдида турган вазифалар” тўғрисида Қорақалпоғистон Республикаси Халқ таълими Вазирлигининг таълим сифатини мониторинг қилиш бўлими бош мутахассиси Рахат Ержанов, умумтаълим мактабларини аттестация ва давлат аккредитациясидан ўтказиш тартиби ва “Халқ таълими ходимларига устама ҳақ белгилашда тегишли норматив-ҳуқуқий ҳужжатлар юритиш тўғрисида”ги масала юзасидан Қорақалпоғистон Республикаси Халқ таълими Вазирлигининг таълим сифатини мониторинг қилиш бўлими бош мутахассиси Рустам Узақбергеновлар қизиқарли маърузалар қилдилар.
Амалий-ўқув семинари жараёнида малакали мутахассислар томонидан ўқилган маърузалар, берилган таклиф ва тавсиялар иштирокчиларда таассурот ва қизиқиш уйғотди ва маърузалар юзасидан музокараларда фаол иштирок этишиб, ўзларини қизиқтирган мавзулар бўйича саволлар билан мурожаат қилдилар.
Семинар иштироклари томонидан тушган саволларга масъул мутахассислар батафсил жавоблар бердилар.
Бўлиб ўтган амалий-ўқув семинари 2021-2022 янги ўқув йилини бошлаш арафасида турган умумтаълим мактабларининг мутасаддилари ва соҳа мутахассислари учун тажриба алмашув муҳитини яратгани билан муҳим аҳамият касб этди.
Робия Йўлдошева.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
