“Йилнинг энг яхши ўзбек тили ўқитувчиси” танловининг фаол иштирокчилари
Ўзбекистон Республикаси мустақиллигининг 30 йиллиги муносабати билан умумтаълим муассасаларида фаолият юритаётган ўзбек тили фани ўқитувчилари орасидан маҳоратли, ташаббускор ўқитувчиларни аниқлаш, уларнинг таълим сифатини оширишга қаратилган ғояларини қўллаб-қувватлаш ва рағбатлантириш ҳамда ўзбек тилининг давлат тили сифатида ўқитилиши бўйича замонавий ёндашувларни қўллашга қаратилган амалий ишланмалар кўламини кенгайтириш мақсадида Ўзбекистон Республикаси Вазирлар Маҳкамасининг Маънавият ва давлат тилини ривожлантириш масалалари департаменти, Ўзбекистон Республикаси Халқ таълими вазирлиги ва Республика таълим маркази ҳамкорлигида “Йилнинг энг яхши ўзбек тили ўқитувчиси” танлови эълон қилинган эди.
2021 йилнинг 17 сентябрь куни Амударё тумани ХТБга қарашли 76-сонли мактабда танловнинг туман босқичи ўтказилди. Бунда иштирокчилар дастлаб онлайн тест топширишди, тестдан яхши натижа кўрсатган иштирокчилар эртаси куни 2-шарт бўйича "Ўзбек тилини самарали ўқитиш методикаси" мавзусида тақдимот қилдилар.
Амударё тумани ХТБ га қарашли 30-сонли умумтаълим мактабининг Ўзбек тили ва адабиёт фан ўқитувчиси Умида Раҳимбоева ўзбек тили йўналишида, 10-сонли умумтаълим мактаби Она тили ва адабиёт фани ўқитувчиси Райҳон Полвонова Она тили йўналишида ғолибликни қўлга киритиб, кейинги босқичга йўлланма олишди.
Бу ўқитувчилар таълим тизимида анчайин фаол. Райҳон Полвонова кўпгина танловларда, олимпиадаларда ўзининг одиллиги, тўғрилиги билан ном чиқарган ҳакамлардан бири сифатида назарга тушган бўлса, Умидахон эса ёш бўлишига қарамасдан PISA ва PIRLS халқаро баҳолаш дастури ўқиш саводхонлиги йўналиши бўйича тренер ўқитувчи сифатида танилган.
27 сентябрь куни Нукус шаҳридаги 27 сонли умумтаълим мактабида ўтказилган 2-босқичда 13 нафар иштирокчи 2 та шарт бўйича ўз маҳоратларини кўрсатишди. Натижаларга кўра иштирокчиларимиз муносиб қатнашиб, Райҳон Полвонова 3-ўринни эгаллади.
Амударё тумани фахрига айланган бу ўқитувчиларимизга диплом ва эсдалик совғалари топширилди.
Устозларимизга кейинги ишларида муваффақиятлар ёр бўлишини тилаб қоламиз!
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
