“Yilning eng yaxshi oʻzbek tili oʻqituvchisi” tanlovining faol ishtirokchilari
Oʻzbekiston Respublikasi mustaqilligining 30 yilligi munosabati bilan umumtaʼlim muassasalarida faoliyat yuritayotgan oʻzbek tili fani oʻqituvchilari orasidan mahoratli, tashabbuskor oʻqituvchilarni aniqlash, ularning taʼlim sifatini oshirishga qaratilgan gʻoyalarini qoʻllab-quvvatlash va ragʻbatlantirish hamda oʻzbek tilining davlat tili sifatida oʻqitilishi boʻyicha zamonaviy yondashuvlarni qoʻllashga qaratilgan amaliy ishlanmalar koʻlamini kengaytirish maqsadida Oʻzbekiston Respublikasi Vazirlar Mahkamasining Maʼnaviyat va davlat tilini rivojlantirish masalalari departamenti, Oʻzbekiston Respublikasi Xalq taʼlimi vazirligi va Respublika taʼlim markazi hamkorligida “Yilning eng yaxshi oʻzbek tili oʻqituvchisi” tanlovi eʼlon qilingan edi.
2021-yilning 17-sentyabr kuni Amudaryo tumani XTBga qarashli 76-sonli maktabda tanlovning tuman bosqichi oʻtkazildi. Bunda ishtirokchilar dastlab onlayn test topshirishdi, testdan yaxshi natija koʻrsatgan ishtirokchilar ertasi kuni 2-shart boʻyicha "Oʻzbek tilini samarali oʻqitish metodikasi" mavzusida taqdimot qildilar.
Amudaryo tumani XTB ga qarashli 30-sonli umumtaʼlim maktabining Oʻzbek tili va adabiyot fan oʻqituvchisi Umida Rahimboyeva oʻzbek tili yoʻnalishida, 10-sonli umumtaʼlim maktabi Ona tili va adabiyot fani oʻqituvchisi Rayhon Polvonova Ona tili yoʻnalishida gʻoliblikni qoʻlga kiritib, keyingi bosqichga yoʻllanma olishdi.
Bu oʻqituvchilar taʼlim tizimida anchayin faol. Rayhon Polvonova koʻpgina tanlovlarda, olimpiadalarda oʻzining odilligi, toʻgʻriligi bilan nom chiqargan hakamlardan biri sifatida nazarga tushgan boʻlsa, Umidaxon esa yosh boʻlishiga qaramasdan PISA va PIRLS xalqaro baholash dasturi oʻqish savodxonligi yoʻnalishi boʻyicha trener oʻqituvchi sifatida tanilgan.
27-sentyabr kuni Nukus shahridagi 27-sonli umumtaʼlim maktabida oʻtkazilgan 2-bosqichda 13 nafar ishtirokchi 2 ta shart boʻyicha oʻz mahoratlarini koʻrsatishdi. Natijalarga koʻra ishtirokchilarimiz munosib qatnashib, Rayhon Polvonova 3-oʻrinni egalladi.
Amudaryo tumani faxriga aylangan bu oʻqituvchilarimizga diplom va esdalik sovgʻalari topshirildi.
Ustozlarimizga keyingi ishlarida muvaffaqiyatlar yor boʻlishini tilab qolamiz!
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
