“Байроққа садоқат – юртга садоқат”
Кичкинтой болажонларнинг яйраб-қувнаб улғайишлари, муносиб шароитларда тарбияланишлари ва илк таълим олишлари учун қилинаётган ғамхўрликлар ота-оналарни беҳад хурсанд қилмоқда.
Тошёп овулининг Тақирқалъа аҳоли пунктида жойлашган “Юлдузча – Манғит” нодавлат мактабгача таълим муассасасида яратилган шароитлар туфайли 75 нафар болажонлар талаблар даражасида таълим-тарбия олмоқда.
Муассасада 9 нафар ходим фаолият юритади. Кичкинтойларга кундалик машғулотларида мусиқа, рус тили, инглиз тили ҳам ўргатилмоқда.
Муассасада шу йилнинг 16 ноябрида 18 ноябрь давлатимиз байроғи қабул қилинган кун муносабати билан ўтказилган “Байроққа садоқат – юртга садоқат” деб номланган мусиқий адабий кечада болажонларнинг мактабгача таълимни қай даражада эгаллаётганликлари яққол намоён бўлди.
Тадбирда улар мустақил Ватанимизнинг байроғи ҳақида маъруза тингладилар, Ватанимиз, унинг байроғи, тинчлик, бахтиёрликни мадҳ этувчи шеърлар айтдилар. Шунингдек мусиқа машғулотларида ўрганган қўшиқларини, рақсларини ижро этдилар.
Жажжи қалблардан ҳам чуқур жой олган туғилган юртига муҳаббат, бахтли болалик завқи қўшиқ, рақслар орқали фахр-ифтихор билан ифода этилди. Тадбир кичкинтойларга жуда манзур бўлди.
Шаҳноза КАМОЛОВА, шу муассаса ходими.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
