ФИЗИКА ФАНИ БИЛИМДОНЛАРИ АНИҚЛАНДИ
Ўзбекистон Республикаси Президентининг 2021 йил 19-мартдаги “Физика соҳасидаги таълим сифатини ошириш ва илмий тадқиқотларни ривожлантириш чора-тадбирлари тўғрисида”ги Қарорининг 1-иловаси билан тасдиқланган “Комплекс чора-тадбирлар дастури”нинг 14-15-бандларида Давлат ва нодавлат таълим ташкилотлари билан ҳамкорликда физика фани бўйича танловлар ва мусобақалар ташкил этиш вазифаси юкланган.
Дастурда белгиланган вазифаларнинг ижросини таъминлаш мақсадида “Умумий ўрта таълим муассасалари ўқувчилари ўртасида физика фанидан танловлар ва мусобақаларни ташкил этиш тўғрисида” Таълим сифатини назорат қилиш давлат инспексияси ҳамда Халқ таълими вазирлигининг қўшма Қарори тасдиқланган. Унга кўра, Халқ таълими вазирлиги ва нодавлат таълим ташкилотлари билан ҳамкорликда умумий ўрта таълим муассасаларининг 7-8 ва 9-10-синфлар ўқувчилари ўртасида физика фанидан танловлар ва мусобақаларни ўтказиш режалаштирилган.
Ушбу белгиланган вазифаларнинг ижросини таъминлаш мақсадида Амударё тумани Халқ таълими бўлимига қарашли умумий ўрта таълим муассасаларининг 7-8 ва 9-10-синфлар ўқувчилари ўртасида 38-сонли умумтаълим мактабида физика фанидан танлов бўлиб ўтди.
Аввало, танлов ўтказиладиган хоналар физика фанига оид кўргазмали воситалар билан жиҳозланди. Танлов иштирокчилари ёши ва қайси синфдалигига мувофиқ алоҳида гуруҳлар тузилди. Танловнинг ишончли ва шаффоф ўтказилишини таъминлаш мақсадида танловнинг ўтишини тажрибали физика фани ўқитувчиларидан иборат масъул ҳайъат аъзолари синчковлик билан кузатиб бордилар.
Шаффофлик асосида, дўстона вазиятда ўтказилган танловда ўқувчилар физика фанига оид саволларга жавоб бердилар, мактаб дастури доирасидаги масалаларни ечдилар ҳамда назарий билимларини лаборатория машғулотлари орқали амалий ифода этдилар.
Ниҳоятда дўстона ва самимий руҳда ўтган физика фани бўйича танловда ҳақиқий физика билимдонлари аниқланди.
Танлов натижларига кўра, 7-8-синф ўқувчилари орасида 1-ўринни 14-сонли мактабнинг 8-синф ўқувчиси Aрайлим Тажибоева, 2-ўринни 32-сонли мактабнинг 8-синф ўқувчиси Жасурбек Умаров, 3-ўринни 12-сонли мактабнинг 8-синф ўқувчиси Ихлосбек Бозорбоев, ҳамда 9-10-синф ўқувчилари орасида эса 1-ўринни 40-сонли мактабнинг 9-синф ўқувчиси Севинч Жабборберганова, 2-ўринни 56-сонли мактабнинг 10-синф ўқувчиси Шерали Каримов, 3-ўринни 18-мактабнинг 10-синф ўқувчиси Жасурбек Тўлибоев эгалладилар ва ғолиблар танловнинг Қорақалпоғистон Республикаси босқичида қатнашиш учун йўлланмани қўлга киритдилар.
Робия ЙЎЛДОШЕВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
