"ОИЛАДАГИ ЗЎРАВОНЛИККА БАРҲАМ БЕРАМИЗ" МАВЗУСИДА ДАВРА СУҲБАТИ ЎТКАЗИЛДИ
Туман Маҳалла ва оилани қўллаб-қувватлаш бўлими биносида фуқаролар йиғинлари раислари ўринбосарлари учун "Оиладаги зўравонликка барҳам берамиз" мавзусидаги давра суҳбати ташкил этилди.
18 ноябрь куни ўтказилган тадбирда Маҳалла ва оилани қўллаб-қувватлаш бўлими бошлиғининг биринчи ўринбосари М.Бекназарова, Аёлларни реабилитация қилиш ва мослаштириш Қорақалпоғистон Республикаси туманлааро маркази директори Г.Чимбайчиева, туман ФҲДЁ бўлими ходими Н.Ўнгарова ва 49 нафар фуқаролар йиғинлари раисларининг оила, хотин-қизлар ва ижтимоий-маънавий масалалар бўйича ўринбосарлари иштирок этдилар.
Тадбирда аёлларнинг ҳуқуқлари ва манфаатларини ҳимоя қилиш, уларга нисбатан зўравонлик ҳолатларининг олдини олиш, аёллар тадбиркорлигини қўллаб-қувватлаш, гендер тенгликни таъминлаш ва хотин-қизларни жамиятдаги мавқеини янада оширишга қаратилган чора-тадбирларнинг амалдаги ижроси хусусида сўз юритилди. Шунингдек, масъуллар маъмурий ҳудудларда яшовчи ижтимоий жиҳатдан хавфли аҳволда бўлган оилаларни ўз вақтида аниқлаб, уларга ижтимоий, ҳуқуқий ва маънавий жиҳатдан ёрдам кўрсатиш, ҳуқуқбузарлик содир этишга мойил шахсларни ўз вақтида аниқлаб, улар билан манзилли профилактика ишларини ташкил этиш, ҳар бир содир этилган ҳуқуқбузарликнинг сабаб ва шароитларини чуқур ўрганиш ва таҳлил қилиш маиший зўравонликнинг олдини олиш борасидаги муҳим қадам эканлигини эътироф этишди.
Тадбир якунида масъуллар томонидан "Зўравонликка қарши 16 кун" акциясини ўтказиш юзасидан аҳоли ва хотин-қизларнинг фаол иштирокини таъминлаш бўйича топшириқлар берилди.
О.Худойберганова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
