ТУМАН ПРОКУРОРИ 15-СОНЛИ МАКТАБДА ОЧИҚ ДАРС ЎТКАЗДИ
Юртимизда барча ҳудудлардаги таълим муассасаларида Ўзбекистонда прокуратура органлари ташкил этилганига 30 йили тўлаётгани муносабати билан прокуратура ходимлари томонидан очиқ дарслар ташкил этилмоқда. Очиқ дарслар ноанъанавий тарзда, ўқувчи ва ўқитувчилар, ота-оналар билан жонли мулоқот тарзида ўтказилмоқда.
Амударё туманида ҳам умумтаълим мактабларида прокуратура ходимлари томонидан очиқ дарслар ташкил этилиб, прокуратура органларининг шаклланиш тарихи, асосий йўналишлари, вазифалари ҳамда бугунги кунда олиб бораётган фаолияти тўғрисида маълумотлар берилмоқда.
10 декабрь куни тумандаги 15-сонли мактабда туман прокуратураси ходимлари томонидан ўтказилган ана шундай очиқ дарс қизғин савол-жавоб, баҳс-мунозараларга бой тарзда ўтди. Унда туман прокурори Жавлонбек Муфтуллаев ҳамда прокурор ёрдамчиси Аббаз Ниязимбетовлар иштирок этдилар.
Туман прокурори Жавлонбек Муфтуллаев инсон ҳуқуқ ва манфаатларини ҳимоя қилиш, Ватан равнақи, халқимиз фаровонлиги, қонун устуворлигини таъминлашда бош Қомусимизнинг аҳамияти, прокуратура органларининг қонун устуворлигини таъминлашдаги ўрни, юртимизда амалга оширилаётган ислоҳотлардаги иштироки ҳақида сўз юритди. шунингдек, ёшларнинг ҳуқуқий маданиятини ошириш, уларни қонунга итоаткор руҳда тарбиялаш демократик-ҳуқуқий давлат барпо этишнинг муҳим шарти эканлигини алоҳида таъкидлади.
Прокурор ёрдамчиси Аббаз Ниязимбетов ҳам давлатимиз раҳбари Шавкат Мирзиёев асос солган тараққиётимизнинг янги босқичида жамиятда адолатни қарор топтириш, қонунийликни мустаҳкамлаш ҳамда инсон ҳуқуқларини ҳимоя қилиш бўйича кенг қамровли ва мисли кўрилмаган ислоҳотлар амалга оширилаётгани ҳақида сўз юритди. Ундан ташқари, сўнгги уч йилда прокуратура органлари фаолияти билан боғлиқ 20 га яқин қонун, фармон, қарор ва фармойиш қабул қилингани, Президентимиз томонидан 2016 йил 19 декабрда Ўзбекистон Республикасининг “Ўзбекистон Республикаси прокуратура органлари ходимлари кунини белгилаш тўғрисида”ги қонуни имзолангани, бу ҳақдаги қонун Юртбошимизнинг Президент сифатида имзолаган биринчи қонуни эканлигини эътироф этди. Муҳтарам Президентимиз 2016 йил 19 декабрь куни прокуратура ходимлари учун муҳим тарихий санага асос солгани, 8 январь санаси – Ўзбекистон Республикаси прокуратура органлари ходимлари куни” деб белгиланганини маълум қилиб ўтди.
Очиқ ўқув машғулотда ўқувчилар 1992 йил 8 январда Ўзбекистон Республикаси Биринчи Президентининг “Ўзбекистон Республикаси прокуратура органлари тўғрисида“ги Фармони қабул қилингани ҳамда собиқ Иттифоқ қарамоғидаги Ўзбекистон ССР прокуратураси мустақил Ўзбекистон прокуратурасига айлантирилгани, ўтган даврлар мобайнида прокуратура органларининг фаолияти ислоҳотларга ҳамоҳанг тарзда такомиллаштириб борилгани ҳақидаги маълумотларга эга бўлдилар.
Дарс давомида прокурор ва унинг ёрдамчиси ўқувчиларни қизиқтирган саволларга атрофлича жавоб беришди.
Прокурор ҳамда ўқувчилар ўртасида ташкил этилган бу каби жонли мулоқот, ўқув машғулотлар натижасида ўқувчиларимизда қонунларимизга бўлган ҳурмат янада ошади. Шунингдек, бундай тадбирлар ўқувчиларнинг ўз ҳуқуқ ва манфаатларини теран англашига хизмат қилади.
О.Худойберганова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
