3 гектар майдонга 6 минг тупдан зиёд тут кўчатлари ўтқазилди
“Яшил макон” умуммиллий лойиҳаси асосида Амударё туманидаги корхона ва ташкилотлар ўқув муассасалари раҳбарлари ҳамда меҳнат жамоалари, жамоатчилик фаоллари саъй- ҳаракатлари билан янги-янги кўчатзорлар пайдо бўлмоқда. Ариқ ва йўллар бўйларида юзлаб манзарали ва мевали дарахт ниҳоллари қаторлари саф тортиб, атроф-муҳит тобора ободонлашиб бормоқда.
Яқинда Ўзбекистон Республикаси Экология партияси раиси Нарзулла Обломуродов ҳамда Ўзбекистон Республикаси Экология партияси Қорақалпоғистон Республикаси Кенгаши раиси Ойсанам Бегимовалар туманимизга ташриф буюриб, “Яшил макон” умуммиллий лойиҳаси доирасида амалга оширилаётган ишлар билан яқиндан танишдилар. Шу билан бирга, меҳмонлар Манғит шаҳрининг сўлим гўшаларидан бири – Олмазор маҳалласи ҳудудида барпо этилаётган депутатлар боғини бориб кўрдилар ҳамда депутатлар боғига кўчат экдилар.
Амударё туманининг овул ва маҳаллаларида “Яшил макон” умуммиллий лойиҳаси асосида амалга оширилаётган ишлар изчиллик билан давом эттирилмоқда. Хусусан, туманнинг Бобур номли овул фуқаролар йиғини ҳудудидаги 760-контурдан 3 гектар ер ажратилиб, ёшлар агентлиги туман бўлими ходимлари иштирокида ушбу ерга 6 минг тупдан зиёд тут кўчатлари ўтқазилиб, янги тутзор барпо этилди. Янги тутзорни барпо этиш жараёнида “Қорақалпоқ Агропилла” масъулияти чекланган жамияти бош агрономи Роҳатой Ўрозимбетова ҳам иштирок этиб, тут кўчатларини ўтқазиш бўйича амал қилинадиган агротехник тадбирлар юзасидан зарур тавсиялар берди.
Жорий 2021 йил куз мавсумида Амударё туманидаги пиллачилик тармоғига эга фермер хўжаликлари ҳудудидаги аввалдан мавжуд бўлган тутзорлар мутахассислар томонидан пухта ўрганилиб, мазкур тутзорлардаги касалланган ва қуриган тут дарахтлари олиб ташланди. Уларнинг ўрнига ҳамда фермер хўжаликлари ҳудудларидаги ариқлар бўйига далалар четларига экиш учун “Jayxun Silk” масъулияти чекланган жамияти томонидан Амударё тумани иқлим шароитига мос ва серҳосил, тез етилувчи тут кўчатлари ўтқазилди.
Умуман олганда, Амударё туманида пиллачилик соҳасини янада ривожлантириш, мавжуд тутзорларда кузги-қишги агротехник тадбирларни самарали ташкил этишга қаратилган мавсумий ишлар давом эттирилмоқда. 2021 йил куз мавсумида 710 минг туп янгидан тут кўчатлари экиш режалаштирилиб, шу асосда амалий ишлар олиб борилди. Пиллачилик тармоғига эга фермер хўжаликлари ҳудудларида “Ҳар қарич ерда янги ниҳол ундирамиз”, “Юртимизни яшил маконга айлантирамиз!” шиори остида 411 минг тупдан зиёд тут ниҳоллари сифатли қилиб экилди. Бундан ташқари, ҳар бир экилган тут ниҳолининг тупроққа илдиз қўйиб, униб-ўсиб кетиши учун масъул ишчилар бириктирилиб, куз мавсуми давомида янгидан барпо этилган тутзорларда ўз вақтида агротехник тадбирлар амалга оширилди. Тутчилик бўйича мутахассислар тавсиялари асосида янгидан экилган кўчатларнинг илдизлари қишда зарарланмаслиги учун кўчатлар ўтқазилган чуқурлар тупроғи яхшилаб зичланди.
Айни кунларда ҳам ер юзаси музламасидан аввал тутзорлардаги қуриган тут дарахтлари ковлаб олиниб, ўрнига янги ниҳоллар ўтқазиш ишлари амалга оширилмоқда.
Робия ЙЎЛДОШЕВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
