ЁШЛАР БИЛАН УЧРАШУВ ЎТКАЗИЛДИ
Мамлакатимизнинг эртаги куни ўсиб келаётган ёш авлоднинг қандай инсонлар бўлиб камолга етиши билан чамбарчас боғлиқ. Шу боисдан ҳам уларнинг ўз салоҳиятларини намоён қилишлари учун зарур шароитлар яратилмоқда, чуқур илм олиб, маънавиятини юксалтиришлари, тезкор давримизга муносиб бўлиб вояга етишларига улкан эътибор қаратилмоқда.
Туманимизда ёшларнинг тўлақонли илм олишларига шароит яратиш, уларнинг турмушидаги муаммоларини аниқлаш ва бартараф этиш, ишсиз ёшларнинг бандлигини таъминлаш, орзу-интилишларини қўллаб-қувватлаш мақсадида кўпгина саъй-ҳаракатлар олиб борилмоқда, шу мақсадда туман ҳокимининг, секторлар раҳбарларининг, ҳуқуқни муҳофаза қилиш органлари раҳбарларининг ёшлар билан учрашувлари ташкил этилаяпти.
Ана шундай учрашувлардан бири шу йилнинг 26 январида туман ҳокимлиги мажлислар хонасида жиноят ишлари бўйича Амударё туман суди раиси Жасур Ўразбаев, Фуқаролик ишлари бўйича туман суди раиси Қайрулла Атамуратов, туман прокурори ёрдамчиси Аббаз Ниязимбетов, Ёшлар ишлари агентлиги туман бўлими ходими Сардор Исмоиловлар билан ўтказилди.
Учрашувда Манғит шаҳри ҳудудидаги маҳаллалар ёшлари ҳамда туманимиз овул ва маҳаллаларидаги янги тайинланган ёшлар етакчилари иштирок этдилар.
Ёшларнинг ҳуқуқий саводхонлигини ошириш, суд-ҳуқуқ ислоҳотлари жараёнида уларнинг фаол иштирокини таъминлаш, мамлакатимиздаги мавжуд қонунларга ҳурмат ҳиссини кучайтириш, ҳуқуқий онги ва маданиятини юксалтириш мақсадида ташкиллаштирилган учрашувда жиноят ишлари бўйича туман суди раиси Жасур Ўразбаев “Ёшларни суд-ҳуқуқ тизимида амалга оширилаётган ўзгаришлар, янгиликлар билан таништириш”, фуқаролик ишлари бўйича туман суди раиси Қайрулла Атамуратов эса “Оила муқаддас, уни авайлаш ҳамманинг бурчи” мавзуларида маъруза қилдилар.
Шунингдек, учрашувда туманимиз ёшлари орасида жиноятчилик ва ҳуқуқбузарликларнинг олдини олиш мақсадида давлатимиз томонидан амалга оширилаётган чора-тадбирлар, хусусан, ёшларнинг бандлигини таъминлаш учун касб-ҳунарга ўқитиш, оилавий тадбиркорликка жалб қилиш, ишсизларга экин майдонларини узоқ муддатга ижарага бериш, тадбиркорлик фаолиятини ташкил этишлари учун имтиёзли кредитлар бериш йўлга қўйилганини, ёшлар булардан самарали фойдаланишлари лозимлиги ҳам алоҳида таъкидланди.
Учрашув иштирокчилари масъулларга ўзларини қизиқтирган саволларни бериб, атрофлича жавоблар олдилар.
Шуниси эътиборлики, мамлакатимизда ёшларнинг ҳуқуқ ва манфаатларини ҳимоя қилиш, уларга зарур шарт-шароитлар ва имкониятларни яратиб бериш борасида мустаҳкам ҳуқуқий база яратилган ва бу тизим замон талабларига ҳамоҳанг тарзда такомиллаштирилиб борилмоқда.
Ойгул РАЖАБОВА
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
