Туман ҳокими ёшлар билан учрашди
Мамлакатнинг қудратини белгилайдиган омиллар кўп. Бироқ, уларнинг энг асосийларидан бири шу юртда вояга етаётган юксак маънавиятли, жисмонан соғлом, ҳар томонлама баркамол авлоддир. Ёшларнинг ҳуқуқ ва манфаатларини ҳимоя қилиш, ташаббусларини қўллаб-қувватлаш, муаммоларининг ҳал этилишига ёрдам бериш бугунги куннинг долзарб вазифасидир.
Шу мақсадда, Амударё туманидаги ҳудудлар бўйлаб ёшлар иштирокида кўплаб учрашувлар, давра суҳбатлари, сайёр қабуллар, оммавий спорт тадбирлари, маҳорат дарслари, турли кўрик-танловлар мунтазам равишда ўтказилиб келинади.
17 февраль куни туманнинг Босув маҳалласи ҳудудида жойлашган 26-сонли умумтаълим мактабида “Ҳоким ва ёшлар учрашуви” бўлиб ўтди. Учрашувда туман ҳокими Султонбой Йўлдашев, ҳоким ўринбосари Маҳмуд Шерметов, Ёшлар иттифоқи туман Кенгаши раиси Сардор Исмоилов ҳамда туманимизда фаолият юритаётган мутасадди корхона, ташкилот вакиллари қатнашишди. Мазкур учрашувда маҳалладаги 30 дан ортиқ фаол ёшлар қатнашиб ўзининг таклиф ва муаммоларини бидиришди.
Дастлаб, туман ҳокими туманимизда ёшларга оид давлат сиёсати асосида навқирон авлоднинг замонавий билим олиши, спорт ва бошқа йўналишларда истеъдодини намоён этиши, жамиятда муносиб ўрин топиши йўлида амалга оширилаётган ишлар ва уларнинг самаралари, ҳамда келгусидаги режалар ҳақида қисқача тўхталди.
Очиқ мулоқот руҳида кечган учрашувда ёшларимиз ўзларини қизиқтирган масалалар, ташвишга солаётган муаммолар юзасидан туман ҳокимига тўғридан-тўғри мурожаат қилиб, саволларига ижобий жавоблар олишди.
Учрашувда ёшларни қизиқтирган жиддий масалалардан бири − таълим масаласи бўлди. Контракт тўловлари учун имтиёзлар, иқтидорли ёшларга грантлар ажратилиши, умуман талабалар амалиёти билан боғлиқ жиҳатларгача кенг муҳокама қилинди. Бундан ташқари, ёшлар томонидан келиб тушган мурожаатлар асосида бандлик, ер ажратилиши, имтиёзли кредит олиш каби масалалар ҳам кўриб чиқилди.
Учрашувда ёшлар томонидан билдирилган барча мурожаатлар тингланди. Кўпчилиги шу ернинг ўзида ҳал этилди ва баъзиларига муддат белгиланиб, масъуллар бириктирилди ҳамда ижроси туман ҳокимлиги ва Ёшлар ишлари агентлиги туман бўлими томонидан назоратга олинди.
Тадбир якунида ёшларга юзланган туман ҳокими Султонбой Йўлдашев бундай учрашувлар доимий равишда ўтказилишини, ёшлар масаласи – энг асосий масала эканини ва “Ёшлар дафтари”га киритилган ёшлар билан ишлашишнинг алоҳида механизми йўлга қўйилганини айтиб ўтди. Шунингдек, туманимиз ёшларида ғоя ва ташаббуслар кўплигини, энг асосий масала мустақил ҳаётга қадам қўйганда йўлидан чиққан турли мураккабликларни енгиб ўтиш лозимлигини таъкидлади.
Қолаверса, юртимизда яратилаётган имкониятларнинг ҳаммаси ёшлар учунлигини айтиб, ушбу имкониятлардан фойдаланиб ўз мақсадларига эришииш йўлида уларга омад ва зафарлар тилади. Ҳоким ва ёшлар учрашуви барча ёшларда ўзгача таассурот қолдирди.
Ёшлар билан ўтказилаётган учрашувлар негизида келажак авлоднинг манфаатини таъминлаш ва эртанги ёруғ кунга замин яратилиши каби масалалар ётади. Шундай экан, ҳар бир ёш авлодни қўллаб-қуввтлаш уларга тўғри йўл-йўриқ кўрсатиш, ҳаётда ўз ўрнини топишига кўмаклашиш асосий вазифамиз бўлмоғи лозим.
Туман ҳокимлигининг ахборот хизмати
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
