37-СОНЛИ МАКТАБДА ГЕОГРАФИЯ ФАНИ ОЙЛИГИ ДОИРАСИДА ТАДБИР ЎТКАЗИЛДИ
Умумтаълим мактабларида март – география ва иқтисодий билим асослари фани ойлиги доирасида турли тадбирлар ўтказилмоқда. Ўқувчиларнинг география ва иқтисодий билим асослари фанига бўлган қизиқишларини ошириш, эгаллаган билим ва кўникмаларини янада мустаҳкамлаш мақсадида ўтказилаётган ушбу тадбирлар давомида улар фаол иштирок этиб, бор билимларини намоён этишмоқда.
Амударё туманидаги 37-сонли мактабда фан ойлиги муносабати билан катта тадбир ўтказилди. Унга мактаб ўқувчи ва ўқитувчилари билан бирга фахрий ўқитувчилар ҳам таклиф этилди.
Тадбирни мактаб директори Муроджон Сафарбоев очиб берди ҳамда юртимизда ёш авлоднинг комил инсонлар, келажак бунёдкорлари бўлиб вояга етишлари учун яратилаётган имкониятлар, мактабда яратилган шароитлар, ўқувчилар ва ўқитувчилар томонидан қўлга киритилаётган ютуқлар ҳақида сўз юритди. Шунингдек, ойлик доирасида ўтказилаётган очиқ ўқув машғулотлари, географик кечалар ва бошқа тадбирларнинг самараси ўқувчилар билимларида намоён бўлаётганини ифода этди.
Тадбирни мактабнинг география ва иқтисодий билим асослари фани ўқитувчиси Дилфуза Сапоқова олиб борди. У фан ойлиги бошланишида ўқувчиларнинг билимлари давлат таълим стандартлари ва ўқув дастурларига мослик даражасини аниқлаш мақсадида синфлар кесимида синов тестлари ўтказилганини, улар фаол иштирок этишганини айтиб ўтди. Ўқувчиларнинг мазкур фандан ўзлаштириши лозим бўлган билим, кўникма ва малакалари мониторинг қилингани, очиқ дарслар ва ўқувчилар томонидан тайёрланган деворий газеталар юқори баҳоланганини баён этди.
Таъкидлаш жоизки, мактабда фан ойлиги давомида ўқитувчилар ўзларининг педагогик маҳорати, методик билим, кўникма ва малакаларини ошириб бориши таъминланди. Лаборатория ва амалий машғулотларни ўтказилди ҳамда уларнинг натижаси таҳлил қилиб борилди. Ўқитишда ахборот ва педагогик технологиялардан фойдаланиш йўллари, ўқувчилар учун тайёрланган ўқув топшириқлари, дидактик ва тарқатма материаллар тайёрланди. мактаб фойесида “География ва иқтисодий билим асослари” фанлари ойлигига бағишлаб махсус стенд житҳозланди, кўргазмаларга турли альбомлар, буклетлар, услубий қўлланмалар қўйилди.
География ва иқтисодий билим асосларига оид тўгараклар, факультатив машғулотлар, ўқитувчиларнинг дарсдан ташқари олиб борадиган машғулотлари кузатилди ва тажрибалари бўйича амалга ошираётган ишларнинг тақдимоти ўтказилди. Мактабда ўтказилган турли географик ва иқтисодий байрам ва кечалар билан боғлиқ газеталар чиқариш, унда шу фан бўйича қизиқарли маълумотлар, интернет саҳифаларидан олинган фан янгиликлари, ўқувчиларнинг ўзлаштиришлари бўйича самарадорликларини ёритиб бориш ишлари амалга оширилди.
Шундан сўнг, мактабнинг 5-, 6-, 8-синф ўқувчилари фаол иштирок этиб, ўзларининг фан бўйича эгаллаган билимларини, зукколикларини, топқирликларини намойиш этдилар. Саҳна кўринишларини ижро этиб, маҳоратларини кўрсатдилар.
Фан ойлиги муносабати билан ўтказилган тадбир барчага манзур бўлди.
О.Худойберганова
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
