МАКТАБГАЧА ТАЪЛИМ ТАШКИЛОТЛАРИДА СОҒЛОМ ОВҚАТЛАНТИРИШНИ ТАШКИЛ ЭТИШ МАСАЛАСИ МУҲОКАМА ЭТИЛДИ
Мактабгача таълим бўлимида МТТларда соғлом овқатлантиришни ташкил этиш, санитария-гигиена талаблари ва қоидаларига амал қилишни таъминлаш масалаларига бағишланган йиғилиш бўлиб ўтди.
13 апрель куни бўлиб ўтган ушбу йиғилишда туман МТБ мудири С.Садикова, бўлим масъуллари ва МТТлар раҳбарлари, ҳамширалари иштирок этдилар. Йиғилишни Мактабгача таълим бўлими мудири С.Садикова очиб берди. Шундан сўнг, бўлимнинг озиқ-овқат маҳсулотлари ҳисоби бўйича гуруҳ раҳбари Б.Еримбетов сўзга чиқиб, МТТларда овқат рационини шакллантириш ва бракераж комиссияси фаолиятини ташкил этиш масалалари бўйича гапирди. Ундан ташқари, мактабгача таълим ташкилотларига бориб, тарбияланувчиларни овқатлантиришда санитария-гигиена талаблари ва қоидаларига амал қилиш тартиби ўрганилганда хато-камчиликлар аниқланганини айтиб ўтди.
Йиғилиш давомида мактабгача таълим ташкилотларида соғлом овқатлантиришни ташкил этишнинг мақсади тарбияланувчиларнинг соғлом ва баркамол ўсишини таъминлаш, ошхоналарда сифатли таомлар тайёрлаш, таомларни истеъмол қилиш учун гигиеник талабларга мувофиқ шароитлар яратиш кераклиги, таомнома жорий кундаги тарбияланувчилар сонидан келиб чиқиб, кейинги иш куни учун соат 16.00 га қадар ҳамшира томонидан МТТ ошпази ва хўжалик мудири иштирокида тузилиши, таомнома асосида кейинги кун учун озиқ-овқат маҳсулотлари хўжалик мудири томонидан ҳамшира ёки навбатчи тарбиячи иштирокида иш куни якунлангунга қадар ошхонага берилиши кераклиги тўғрисида сўз юритилди. Шунингдек, МТТ ҳамшираси бракераж комиссиясининг раиси бўлиб, унинг таркибига тарбиячи, ошпаз, ташкилот касаба уюшмаси қўмитаси раиси ва тарбияланувчиларнинг ота-оналари вакиллари аъзо сифатида киритилган бўлиши, бракераж дафтари озиқ-овқат маҳсулотларининг сифати, мазаси, кунлик синама олинганлиги, овқатни тарқатишга рухсат берилганлиги ҳақидаги маълумотлар белгиланган тартибда тўлдирилиб, ҳар куни ҳамширанинг имзоси билан тасдиқланган бўлиши кераклиги ва бошқа масалалар муҳокама этилди.
Кун тартибидаги масалалар бўйича 3-сонли МТТ ҳамшираси Н.Сабирова, 4-сонли МТТ ҳамшираси Р.Жуманова ҳамда бошқалар сўзга чиқиб, ўз фикр-мулоҳазаларини билдирдилар.
Йиғилиш якунида барча масалалар бўйича тегишли қарорлар қабул қилинди.
С.Патуллаева, туман Мактабгача таълим бўлимининг кадрлар билан ишлаш бўйича шўъба мудири.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
