MAKTABGAChA TAʼLIM TAShKILOTLARIDA SOGʻLOM OVQATLANTIRIShNI TAShKIL ETISh MASALASI MUHOKAMA ETILDI

Maktabgacha taʼlim boʻlimida MTTlarda sogʻlom ovqatlantirishni tashkil etish, sanitariya-gigiyena talablari va qoidalariga amal qilishni taʼminlash masalalariga bagʻishlangan yigʻilish boʻlib oʻtdi. 

13-aprel kuni boʻlib oʻtgan ushbu yigʻilishda  tuman MTB mudiri S.Sadikova, boʻlim masʼullari va MTTlar rahbarlari, hamshiralari  ishtirok etdilar. Yigʻilishni Maktabgacha taʼlim boʻlimi mudiri S.Sadikova ochib berdi. Shundan soʻng, boʻlimning oziq-ovqat mahsulotlari hisobi boʻyicha guruh rahbari B.Yerimbetov soʻzga chiqib, MTTlarda ovqat ratsionini shakllantirish va brakeraj komissiyasi faoliyatini tashkil etish masalalari boʻyicha gapirdi. Undan tashqari, maktabgacha taʼlim tashkilotlariga borib, tarbiyalanuvchilarni ovqatlantirishda sanitariya-gigiyena talablari va qoidalariga amal qilish tartibi oʻrganilganda xato-kamchiliklar  aniqlanganini aytib oʻtdi.

Yigʻilish davomida maktabgacha taʼlim tashkilotlarida sogʻlom ovqatlantirishni tashkil etishning maqsadi tarbiyalanuvchilarning sogʻlom va barkamol oʻsishini taʼminlash, oshxonalarda sifatli taomlar tayyorlash, taomlarni isteʼmol qilish uchun gigiyenik talablarga muvofiq sharoitlar yaratish kerakligi,  taomnoma joriy kundagi tarbiyalanuvchilar sonidan kelib chiqib, keyingi ish kuni uchun soat 16.00 ga qadar hamshira tomonidan MTT oshpazi va xoʻjalik mudiri ishtirokida tuzilishi, taomnoma asosida keyingi kun uchun oziq-ovqat mahsulotlari xoʻjalik mudiri tomonidan hamshira yoki navbatchi tarbiyachi ishtirokida ish kuni yakunlangunga qadar oshxonaga berilishi kerakligi toʻgʻrisida soʻz yuritildi. Shuningdek, MTT hamshirasi brakeraj komissiyasining raisi boʻlib, uning tarkibiga tarbiyachi, oshpaz, tashkilot kasaba uyushmasi qoʻmitasi raisi va tarbiyalanuvchilarning ota-onalari vakillari aʼzo sifatida kiritilgan boʻlishi, brakeraj daftari oziq-ovqat mahsulotlarining sifati, mazasi, kunlik sinama olinganligi, ovqatni tarqatishga ruxsat berilganligi haqidagi maʼlumotlar belgilangan tartibda toʻldirilib, har kuni hamshiraning imzosi bilan tasdiqlangan boʻlishi kerakligi va boshqa masalalar muhokama etildi.

Kun tartibidagi masalalar boʻyicha 3-sonli MTT hamshirasi N.Sabirova, 4-sonli MTT hamshirasi R.Jumanova hamda boshqalar soʻzga chiqib, oʻz fikr-mulohazalarini bildirdilar.

Yigʻilish yakunida barcha masalalar boʻyicha tegishli qarorlar qabul qilindi.

S.Patullayeva, tuman Maktabgacha taʼlim boʻlimining kadrlar bilan ishlash boʻyicha shoʻʼba mudiri.