10 oy davomida Qoraqalpoğiston böyiça 39 ta holatda içimlik suvi körsatkiçlari belgilangan talablarga javob bermasligi aniqlandi

Toza içimlik suvidan uzluksiz foydalaniş imkoniyati bugungi kunda aholi turmuş darajasini belgilaydigan asosiy körsatkiçlardan biri hisoblanib, davlat siyosatida bu masala inson salomatligi va ijtimoiy barqarorlik bilan boğliq ustuvor yönaliş sifatida qaraladi. Şu bois sohada nazorat mexanizmlari izçil takomillaştirilmoqda.

Quvvati oşib borayotgan suv taʼminoti tizimida faqat quvurlarni yangilaş yoki inşootlar quriş yetarli emas, xonadonga yetib borgan suvning kimyoviy va bakteriologik jihatdan xavfsizligini aniqlaydigan doimiy monitoring tizimi ham şu qadar zarur. Çunki suv manbaidan isteʼmolçiga qadar bölgan yölda uning sifati turli omillar taʼsirida özgarişi mumkin, bu esa faqat laboratoriya tahlili orqali aniqlanadi. Aynan şu vazifa maxsus nazorat organlariga yuklatilgan.

Qoraqalpoğiston Respublikasi quriliş va uy-joy kommunal xöjaligi sohasida nazorat qiliş inspektsiyasi tomonidan 2026-yil yanvar-oktyabr oylarida bu borada salmoqli amalga oşirildi.

Hisobot davrida Inspektsiya Qoraqalpoğiston Respublikasi Sanitariya-epidemiologik osoyiştalik va jamoat salomatligi qömitasi bilan birgalikda içimlik suvi sifati böyiça 1498 ta tahlil oldi. Tahlillar isteʼmolçilarga yetkazib berilayotgan suvning milliy standart talablariga muvofiqligini aniqlaş maqsadida ötkazildi. Ikkita idoraning hamkorligida iş olib borilişi tahlil natijalarining xolisligini taʼminlaydi: namuna oliş va laboratoriya xulosasi turli vakolatli tuzilmalar iştirokida rasmiylaştiriladi.

Tahlil natijalariga köra, jami 39 ta holatda içimlik suvi körsatkiçlari belgilangan talablarga javob bermagani, yaʼni salbiy holat mavjudligi aniqlandi. Bu kamçiliklar respublikaning sakkiz hududida qayd etilgan bölib, ularning tabiati bir xil emas. Umumiy tahlillar soniga nisbatan olinganda salbiy natijalar uluşi unçalik katta bölmasa-da, içimlik suvi masalasida har bir holat aholi salomatligiga bevosita daxldor bölgani uçun eʼtibordan çetda qoldirilmaydi.

Xususan, kimyoviy körsatkiçlar böyiça nomuvofiqlik Nukus tumanida 2 ta, Törtköl tumanida 3 ta, Xöjayli tumanida 6 ta, Taxiatoş tumanida 17 ta, Qönğirot tumanida 5 ta va Ellikqalʼa tumanida 2 ta obʼektda qayd etildi. Eng köp salbiy natija Taxiatoş tumaniga töğri keldi.

Bakteriologik körsatkiçlar böyiça esa Qoraözak tumanida 2 ta va Nukus şahrida 2 ta salbiy holat aniqlandi. Maʼlumki, bakteriologik ifloslaniş içimlik suvi orqali yuqadigan kasalliklar tarqalişi xavfini tuğdirgani uçun bu turdagi nomuvofiqlik alohida eʼtiborni talab qiladi.

Bu kabi salbiy holatlarning oldini oliş maqsadida Xöjayli tumani Bayterak mahallasi hududidagi Zulfiya köçasida suvning kimyoviy va bakteriologik namunalari olindi.

Ötgan 10 davomida aniqlangan kamçiliklar eʼtiborsiz qoldirilmadi: mazkur holatlar yuzasidan “Qoraqalpoq suv taʼminoti” aktsiyadorlik jamiyatiga nuqsonlarni bartaraf etiş böyiça körsatma kiritildi. Körsatma ijrosi nazoratga olinib, tegişli çoralar amalga oşirildi.

Bartaraf etiş işlari doirasida suv tarmoqlari tozalandi, şuningdek, obʼektlardagi uskunalarni yuviş işlari bajarildi. Bu kabi texnik tadbirlar suv sifatini darhol yaxşilaş bilan birga, muammoning takrorlaniş ehtimolini kamaytirişga ham xizmat qiladi.

Qayd etiş joizki, monitoringning asosiy qiymati aniqlangan kamçiliklar sonida emas, ularning har biri böyiça amaliy çora körilganida namoyon böladi. Ötgan ön oy natijalari şuni körsatadiki, nazorat va tezkor bartaraf etiş bir tizimga birlaştirilganda, aholi xonadoniga yetib boradigan suvning sifati doimiy ravişda meʼyor darajasida böladi. Qoraqalpoğiston Respublikasi quriliş va uy-joy kommunal xöjaligi sohasida nazorat qiliş inspektsiyasi tomonidan yil oxiriga qadar tahlillar davom ettirilişi, şuningdek salbiy natija köp qayd etilgan hududlarda nazoratning kuçaytirilişi rejalaştirilmoqda.