Aholiga sifatli içimlik suvi yetkazib beriş borasidagi kamçiliklar bartaraf etilmoqda

Aholini toza içimlik suvi bilan taʼminlaş va oqova suvlarni çiqarib yuboriş tizimini tartibga soliş bugungi kunda kommunal xöjalik sohasidagi islohotlarning eng asosiy yönalişlaridan biri bölib, bu borada belgilangan qoidalarning qoğozda qolmasdan amalda işlaşi isteʼmolçining kundalik turmuş şaroitiga bevosita taʼsir körsatadi.

Ayni şu sababdan tarmoqlarga ulaniş jarayoni davlat nazoratining doimiy eʼtiborida turibdi. Ulaniş uçun beriladigan texnik şartlar — bu şunçaki rasmiy hujjat emas, balki quvur diametri, bosim, ölçov asbobi va tarmoq xavfsizligiga qöyiladigan aniq talablarning majmui bölib, ularga rioya etilmasligi kelgusida butun tizimda uzilişlarga olib kelişi mumkin.

Şu yönalişda qonunçilik talablariga amal qilinişini taʼminlaş maqsadida Qoraqalpoğiston Respublikasi quriliş va uy-joy kommunal xöjaligi sohasida nazorat qiliş inspektsiyasi tomonidan tizimli nazorat tadbirlari amalga oşirilmoqda. Uşbu tadbirlarda içimlik suvi taʼminoti va oqova suvlarni çiqarib yuboriş tarmoqlariga ulaniş jarayonining barça bosqiçlari qamrab olinib, hujjatlaştiriş tartibidan amaldagi quriliş işlari sifatigaça tekşiriladi.

Jumladan, 2026-yilning ötgan 10 oyi davomida «Qoraqalpoq suv taʼminoti» aktsiyadorlik jamiyati tomonidan taqdim etilgan texnik şartlar asosida jami 191 ta örganiş ötkazildi, yaʼni har bir texnik şart alohida tahlil qilinib, ularning qançalik töliq bajarilgani közdan keçirildi. Tahlillar davomida 19 ta kamçilik aniqlanib, ularning 5 tasi böyiça kamçiliklarni bartaraf etiş yuzasidan tegişli körsatmalar kiritildi.

Şu bilan birga, 15 ta holat böyiça belgilangan tartibda Özbekiston Respublikasining «Maʼmuriy javobgarlik töğrisidagi kodeksi» asosida jami 62,4 million söm miqdorida jarimalar rasmiylaştirildi. Jarima çoralari nazoratning maqsadi emas, balki talab buzilgan holatlarga qonuniy javobdir.

Nazorat tadbirlari doirasida joylarga çiqib, texnik şartlarning bajarilişi va tarmoqlarga ulaniş holatlari bevosita körib çiqilmoqda. Xususan, Xöjayli tumanidagi Samanköl ovuli, Ikkidaryo köçasi, 7-uy hamda Boğman mahallasi, Qirmizi köçasi, 95-uy manzillarida, şuningdek, Nukus şahridagi Qutli qönis mahallasi, Şamşetov köçasi, 107-uy va Jasil bağ mahallasi, Qörğon köçasi, 105-uy manzillarida şu kabi nazorat tadbirlari amalga oşirildi.

Bunday örganişlardan közlangan asosiy maqsad — texnik şartlarda belgilangan talablarning bajarilişini nazorat qiliş, aniqlangan kamçiliklarni öz vaqtida bartaraf etiş hamda ulaniş jarayonlarida tartibga töliq rioya etilişini taʼminlaşdan iborat. Inspektsiya tomonidan bu yönalişdagi nazorat tadbirlari izçil davom ettirilmoqda.

Qayd etiş joizki, har bir yangi ulanişning talab darajasida rasmiylaştirilişi ertaga tarmoqdagi yöqotişlar va avariyalarning kamayişiga asos böladi. Şuning uçun bu yönalişdagi nazoratning izçilligi suv taʼminoti tizimining barqarorligini belgilaydigan omillardan biri sifatida qaralmoqda.