AMUDARYoDA “YaŞIL MAKON” LOYIHASI DOIRASIDAGI IŞLAR IZÇIL DAVOM ETMOQDA

Amudaryo tumanida “Yaşil makon” umummilliy loyihasi doirasida kuzgi köçat ekiş mavsumiga tayyorgarlik işlari va ommaviy köçat ekiş tadbirlari taşkil etilmoqda.

Jumladan, tumanning Çoyköl ovuli hududida ommaviy köçat ekiş tadbiri bölib ötdi. Unda tuman hokimi örinbosarlari, huquqni muhofaza qiluvçi organlar rahbarlari, taşkilot va idoralar masʼullari, “Mahalla yettiligi” aʼzolari, aholi hamda jamoatçilik faollari iştirok etdilar. Tadbir davomida belgilangan hududlarda daraxt va buta köçatlari ekilib, hududni kökalamzorlaştiriş işlariga amaliy hissa qöşildi.

Maʼlumki, “Yaşil makon” umummilliy loyihasi mamlakatimizda ekologik barqarorlikni taʼminlaş, yaşil hududlar maydonini kengaytiriş, aholi yaşaş joylarida qulay ekologik muhit yaratişga qaratilgan muhim taşabbus hisoblanadi.

Özbekiston Respublikasi Prezidentining 2026-yil 23-sentyabrdagi Farmoni bilan mazkur loyihani amalga oşiriş yangi bosqiçga olib çiqilib, hududlarni kökalamzorlaştiriş, daraxt va buta köçatlarini ekiş, ularni parvarişlaş işlarini tizimli taşkil etiş böyiça masʼul rahbarlarning vazifalari belgilab berildi.

Mazkur Farmonga muvofiq, Amudaryo tumanida 2026-yil kuzgi mavsumida jami 829,8 ming tup köçat ekiş rejalaştirilgan. Uşbu vazifani sifatli va öz vaqtida bajariş maqsadida tuman hokimining tegişli qarori qabul qilinib, masʼul taşkilot va idoralarga aniq topşiriqlar yuklatildi.

Qarorga asosan, birinçi navbatda, ariqlar, zovurlar va kanallarni çiqindilardan tozalaş, zarur hollarda taʼmirlaş, aholi yaşaş joylari, mahallalar, köp kvartirali uylar atrofi, ijtimoiy soha obʼektlari va avtomobil yöllari böyida obodonlaştiriş hamda kökalamzorlaştiriş işlarini amalga oşiriş belgilangan.

Şuningdek, kuzgi köçat ekiş mavsumiga tayyorgarlik doirasida ajratilgan yer maydonlarini tozalaş, tekislaş, suğoriş tizimlarini yaratiş va sozlaş, tuproqqa işlov beriş hamda boşqa zarur agrotexnik tadbirlarni oldindan amalga oşiriş ustuvor vazifalar sifatida belgilab qöyilgan.

Loyiha doirasida hududlarda yaşil maydonlarni kengaytirişning samarali usullarini joriy etişga ham alohida eʼtibor qaratilmoqda. Xususan, yer maydoni çeklangan mahallalarda, köp qavatli uylar oraliğida, maktab va maktabgaça taʼlim taşkilotlari hovlilarida “mahalla mikroörmonlari”ni taşkil etiş rejalaştirilgan. Bunda 200–1000 kvadrat metr maydonlarda daraxt va buta köçatlarini ziç ekiş usulidan foydalaniladi. Yer ajratiş imkoniyati bölmagan yoki beton va asfalt qoplamali hududlarda esa jamoatçilik kiçik boğlarini taşkil etiş çoralari köriladi.

Bundan taşqari, tumanning yaşillik darajasini oşirişga qaratilgan yaşil dasturlarni işlab çiqiş, yaşil boğlar, soyali sayr köçalari va boşqa ekologik maskanlarni taşkil etiş közda tutilgan.

Suv resurslaridan samarali foydalaniş maqsadida yomğir, qor va oqova suvlarini töplaş hamda qayta işlatiş imkonini beruvçi suğoriş tizimlarini yölga qöyiş ham muhim vazifalardan biridir.

Daraxt va butalarni parvarişlaş samaradorligini oşiriş maqsadida kompostlaş va mulçalaş tizimini joriy etiş, şox-şabbalarni maydalaş uskunalari bilan taʼminlaş ham belgilangan. Tayyorlangan kompost va mulçadan, avvalo, yaşil hududlardagi oçiq tuproq maydonlarini qoplaş va köçatlarni parvarişlaşda foydalaniş nazarda tutilgan.

Umuman olganda, tumanda “Yaşil makon” umummilliy loyihasi doirasida belgilangan vazifalar ijrosini taʼminlaş, köçat ekiş bilan bir qatorda ularni parvarişlaş, yaşil hududlarni saqlaş va kengaytiriş böyiça tizimli işlar olib borilmoqda.

Mazkur tadbirlar natijasida Amudaryo tumanida ekologik muhitni yaxşilaş, aholi uçun qulay yaşaş şaroitlarini yaratiş hamda hududlarning kökalamzorlik darajasini oşirişga erişiş közda tutilgan. Bu borada masʼul taşkilotlar, mahalla faollari va keng jamoatçilikning hamkorligi muhim ahamiyat kasb etadi.

Çaros Arslonova, tuman hokimligining Axborot xizmati rahbari