40-сонли мактабда профессор-ўқитувчилар очиқ дарслар ўтди
Маълумки, Ўзбекистон Республикаси Президенти Шавкат Мирзиёев раҳбарлигида 2022 йил 5 апрель куни кенгайтирилган тарзда видеоселектор йиғилиши ўтказилиб, унда Халқ таълими тизимида амалга оширилаётган ислоҳотлар натижадорлиги таҳлил қилинган ва келгусидаги муҳим вазифалар белгилаб олинган эди.
Ана шу устувор йўналишларини амалда бажариш мақсадида Қорақалпоғистон Республикасидаги мактабларга ҳам таълим-тарбия сифатини яхшилаш бўйича олий таълим муассасасалари жамоаси масъул қилиб бириктирилган. Ўзбекистон Республикаси Президенти маслаҳатчиси тарафидан тасдиқланган жадвал асосида мактабларга бириктирилган олий ўқув юртлари профессор-ўқитувчилари апрел-май ойлари давомида тегишли мактабларда бўлиб, кенг турда тарғибот-ташвиқот ишларини олиб бормоқдалар.
Амударё туманидаги 40-сонли мактабда таълим-тарбия сифатини янада яхшилашга Қорақалпоғистон Қишлоқ хўжалиги ва агротехнологиялар институти масъул қилиб бириктирилган эди. 29 апрель куни институтнинг бир гуруҳ профессор-ўқитувчилари мактабнинг табиий фанлар ўқитувчилари учун “Таълим сифатини оширишда ўқитувчининг касб маҳорати” мавзусида амалий семинар тренинг ўтказишди.
Семинар тренинг давомида мактабнинг 9-“Б” синф ўқувчиларига кимё фанидан “Математика, физика, кимё ва информатика технологиялари” кафедраси доценти “Кимёвий реакция тезлиги ва кимёвий мувозанат” мавзусида очиқ дарс ўтди.
9-“А” синфда эса физика фанидан мазкур кафедранинг ассистент-ўқитувчиси “Молекуляр-кинетик назария асослари ҳамда термадинамика қонунлари” мавзусида дарс ўтиб, мавзу бўйича батафсил тушунтиришлар берди. 9-“Б” синф ўқувчилари профессор-ўқитувчиларнинг информатика фанидан ўтган дарсида “Информатика ва ахборот технологиялари ҳақида умумий маълумот” мавзусида батафсил маълумотлар олди.
Институтнинг “Математика, физика, кимё ва информатика технологиялари” кафедраси катта ўқитувчиси мактабнинг 10-“Г” синфида таълим олаётган ўқувчиларга математика фанидан ўтказилган очиқ дарсда “Математикада мантиқий фикрларни ривожлантириш” мавзусида кенг турда тушунчалар берди.
Институтнинг тўқайчилик ва доривор ўсимликлар кафедраси ассистенти “Ҳужайра ҳақида таълимот” мавзуси билан мактабнинг 9-“Б” синфида таълим олаётган ўқувчиларнинг билимларини янада мустаҳкамлашга ҳисса қўшди.
Айтиш керакки, профессор ўқитувчиларнинг 1 соатлик очиқ дарслари қизиқарли ва мазмунли тарзда ташкил қилиниб, ўқувчилар билан савол-жавоблар асосида қизиқарли ўтказилди.
Мактабнинг фаоллар залида институтнинг ёшлар масалалари ва маънавий-марифий ишлар бўйича проректори, шунингдек таълим сифатини назорат қилиш бўлими, гуманитар фанлар кафедраси бошлиқлари ҳамда ўзбек, қорақалпоқ ва рус тиллари кафедраси ассистенти мактаб битирувчилари билан учрашиб, уларни касбга йўналтириш бўйича маърузалар қилди. 11-синф ўқувчиларига институтдаги йўналишлар ҳақида ва мазкур мутахассисликларни эгаллаган ёшларнинг келгусида қайси соҳаларда фаолият юритишлари ҳақида батафсил маълумотлар берилди.
Ўқувчилар йиғилиш давомида ўзларини қизиқтирган саволларга жавоблар олишди.
Санобар Хўжамуродова,
Қорақалпоғистон Республикаси Жўқорғи Кенгеси депутати, 40-сонли мактаб директори
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
