ПРОФИЛАКТИКА ИНСПЕКТОРИНИНГ ФУҚАРОЛАР ЙИҒИНИ МАСЪУЛЛАРИ ВА ЖАМОАТЧИЛИК БИЛАН ҲАМКОРЛИГИ МУҲИМ АҲАМИЯТ КАСБ ЭТАДИ
Профилактика инспектори ўзига бириктирилган маъмурий ҳудудда жамоат тартибини сақлаш, Ўзбекистон Республикаси фуқаролари, чет эл фуқаролари ва фуқаролиги бўлмаган шахсларнинг ҳуқуқларини, қонуний манфаатларини, мол-мулкларини турли хил жиноий тажовузлардан ҳимоя қилиш ҳамда хавфсизликни, шунингдек, ҳуқуқбузарлик профилактикасини таъминлаш борасидаги фаолиятни амалга оширади.
Ундан ташқари, профилактика инспектори ҳуқуқбузарликлар профилактикасини қонунда берилган ваколатлар доирасида фуқароларнинг ўзини ўзи бошқариш органлари ва жамоатчилик имкониятидан унумли фойдаланган ҳолда олиб боради. Жамоат тартибини сақлаш, фуқаролар хавфсизлигини таъминлаш, ҳуқуқбузарликларнинг содир этилиши сабабларини ва уларга имкон бераётган шарт-шароитларни аниқлаш, ғайриижтимоий хулқ-атворга эга ва ҳуқуқбузарлик содир этган шахсларни аниқлаш, профилактик таъсир кўрсатиш орқали уларнинг хулқ-атворини тузатиш кабиларга кўмаклашадилар.
Профилактика инспектори маъмурий ҳудудда хизмат фаолиятини амалга оширишда фуқаролик жамияти институтлари билан ҳамкорлик қилади. Бу борада Ўзбекистон Республикасининг 2014 йил 14 майдаги «Ҳуқуқбузарликлар профилактикаси тўғрисида»ги қонунининг 4-моддасида асосий вазифалар белгилаб берилган. Шунингдек, мазкур қонуннинг 21-моддасида профилактика инспектори ҳуқуқбузарликлар профилактикасида фуқаролик жамияти институтлари, жумладан фуқароларнинг ўзини ўзи бошқариш органлари, нодавлат нотижорат ташкилотлари билан ҳамкорликда амалга оширадиган йўналишлар кўрсатилган.
Унга кўра, профилактика инспектори маъмурий ҳудудни профилактик кўздан кечириш ва криминоген вазиятни таҳлил қилиш, жамоат тартибини сақлаш ва фуқаролар хавфсизлигини таъминлаш, ҳуқуқбузарликларнинг умумий, махсус, якка тартибдаги ва виктимологик профилактикасини ташкил этиш ва амалга оширишда ҳамкорлик қилади. Шу билан бирга фуқароларни қабул қилиш, уларнинг ариза ва шикоятларини кўриб чиқиш ва ҳал этиш, маъмурий ҳуқуқбузарликларни аниқлаш ва улар тўғрисидаги ишларни юритиш ҳамда ҳал қилиш, паспорт-виза ва назорат-лицензиялаш қоидаларига риоя этилишини таъминлаш кабилар ҳам ҳамкорликда амалга оширилади.
Профилактика инспекторининг бугунги кунда кенг жамоатчилик, шу жумладан, фуқаролик жамияти институтлари билан ҳамкорлиги ҳудудларда осойишталикни таъминлаш, ҳуқуқбузарлик ва жиноятларнинг олдини олишда муҳим аҳамият касб этади.
А.Жумабоев, ИИВ Академияси 3-ўқув курси курсанти.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
