ТИНЧЛИККА РАҲНА СОЛУВЧИ ЖИНОЯТЧИЛИККА ҚАРШИ КУРАШИШ — ВАЗИФАМИЗ
Ҳозирда мамлакатимизда халқимизнинг бахтли ҳаёти учун, олис келажакда эмас, балки бугунги кунда, айни пайтда яхши яшаши, муносиб ҳаёт кечириши ва барча имкониятлардан баҳраманд бўлишини таъминлашга қаратилган халқпарвар тизимни йўлга қўйишга қаратилган кенг кўламли ислоҳотлар амалга оширилмоқда. Тараққиётнинг янги босқичига қадам қўйилаётган ҳозирги шароитда тинчлик ва осойишталикни сақлаш жуда муҳимдир.
Ўқув даргоҳидаги таҳсилим давомида тинчликка раҳна солувчи жиноятчилик ва унинг сабабларини аниқлашда муҳим бўлган тергов йўналишини танлашни маъқул кўрдим. Таъкидлаш жоизки, жиноят бўйича терговга қадар текширув ўтказиш ишлари кўрилаётган жиноят таркибини ташкил қилувчи қилмишлар ҳақида дастлабки ахборотлар олинган вақтдан бошланади ва жиноят ишини қўзғатиш ҳақидаги процессуал қарорни қабул қилиш вақтига қадар давом этади. Ушбу давр мобайнида жиноят ишини қўзғатиш учун асос бўлиши мумкин бўлган Жиноят кодексида ушбу жиноят таркибини ташкил қилувчи жиноятнинг объектив ва субъектив белгиларини аниқлашга қаратилган тергов ҳаракатларини ўтказиш керак. Хусусан, жиноят бўйича терговчи, жиноят иши қўзғатиш ҳақида қарор қабул қилар экан, юз берган тергов вазияти ва бошланғич маълумотларни баҳолайди ва уларга асосан тергов тусмолларини ишлаб чиқади, тергов режасини тузади.
Жиноят кодексининг 164-моддаси бўйича жиноят ишини қўзғатиш учун Ўзбекистон Республикаси Жиноят-процессуал кодексининг 322-моддасида кўрсатилган барча ҳолатлар асос бўлиши мумкин. Фақатгина тегишли ҳуқуқни муҳофаза қилувчи органлар ходимлари учун мазкур асослар, улар томонидан нечоғлик сифатли текшириб олишларига боғлиқ бўлади.
Босқинчилик ва бошқа жиноятларни тергов қилишнинг бирламчи ва кечиктириб бўлмас тергов ҳаракатлари босқичини тўпланган маълумотларни таҳлил қилиш билан якунлаш лозим. Аниқланган вазиятдан келиб чиқиб, терговнинг кейинги босқичида ҳал қилиниши лозим бўлган вазифалар ва амалга оширилиши лозим бўлган тергов ҳаракатларини тўғри белгилаш лозим.
Мен шу каби билим ва кўникмаларни эгаллаб, келажакда жиноятчиликларнинг олдини олишга, юртимизда тинчлик барқарор бўлишига муносиб ҳисса қўшаман.
Жўшқин Йўлдошев, ЎзР ИИВ Академияси 3-ўқув курси курсанти.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
