СУД МАСЪУЛЛАРИ ИШТИРОКИДА КОРРУПЦИЯГА ҚАРШИ КУРАШИШ МАВЗУСИДА ДАВРА СУҲБАТИ ЎТКАЗИЛДИ
Қорақалпоғистон Республикаси суди ҳамда Жиноят ишлари бўйича Амударё туман суди масъуллари коррупцияга оид ҳуқуқбузарликларга қарши курашиш, уларга имкон берувчи шарт-шароитларни бартараф қилиш мавзусида давра суҳбати ўтказишди.
Туман Мактабгача таълим бўлимида раҳбар Саида Садикова ҳамда бошқа ходимлар иштирокида бўлиб ўтган мазкур давра суҳбатида суд масъуллари коррупцияга қарши муросасиз муносабатда бўлиш муҳитини яратиш, давлат ва жамият бошқарувида коррупциявий омилларни кескин камайтириш, бунда жамоатчилик иштирокини кенгайтириш кераклиги тўғрисида сўзлаб, коррупция давлат ва жамият тараққиёти учун энг жиддий хавф-хатарлардан бири эканлигини таъкидладилар. Ундан ташқари, “Коррупцияга қарши курашиш тўғрисида”ги Қонуннинг мазмун-моҳияти тўғрисида кенг тушунтириш бердилар.
Шунингдек, коррупцияга қарши курашиш соҳасида аҳолининг ҳуқуқий онги ва ҳуқуқий маданиятини юксалтириш, жамиятда коррупцияга нисбатан муросасиз муносабатни шакллантириш, давлат ва жамият ҳаётининг барча соҳаларида коррупциянинг олдини олишга доир чора-тадбирларни амалга ошириш, коррупцияга оид ҳуқуқбузарликларни ўз вақтида аниқлаш, уларга чек қўйиш, оқибатларини, имкон берувчи сабаблар ва шарт-шароитларни бартараф этиш, коррупцияга оид ҳуқуқбузарликларни содир этганлик учун жавобгарликнинг муқараррлиги принципини таъминлаш кабилар борасида ҳам сўз юритилди.
Давра суҳбати сўнггида йиғилиш иштирокчилари ўзларини қизиқтирган бошқа-да саволларга жавоблар олиб, мажлис баҳс ва мунозараларга бой тарзда ўтди.
С.Давлетмурадов, Қорақалпоғистон Республикаси суди судьяси.
Ж.Ўразбоев, Жиноят ишлари бўйича Амударё туман суди раиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
