“Беш муҳим ташаббус олимпиадаси”нинг туман босқичи ғолиблари муносиб тақдирланди
Мамлакатимизда ёшларга оид давлат сиёсати изчиллик билан амалга оширилмоқда. Сўнгги йилларда келажагимиз эгаларини ҳар томонлама қўллаб-қувватлаш, ташаббускор, шижоатли ёшларни тарбиялаш борасида алоҳида тизим яратилди.
Президентимиз томонидан илгари сурилган ёшларнинг маданият, санъат, спорт, ахборот технологиялари ва китоб ўқишга бўлган қизиқишини ҳар томонлама қўллаб-қувватлашга қаратилган “Беш муҳим ташаббус” доирасида ҳам кенг кўламли ишлар амалга оширилмоқда.
4 июнь куни Амударё туманининг Дўстлик маҳалласи ҳудудидаги 2-сонли Болалар-ўсмирлар спорт мактаби ўйингоҳида “Беш муҳим ташаббус олимпиадаси”нинг туман босқичи якунланиши муносабати билан тантанали тадбир ўтказилди.
Тадбирда туман ҳокими Султонбой Йўлдашев, секторлар раҳбарлари, Давлат хавфсизлик хизмати ходимлари, ҳоким ўринбосарлари ҳамда мусобақаларда фахрли ўринларни қўлга киритган шижоатли ёшлар иштирок этишди.
Тадбир аввалида туман ҳокими Султонбой Йўлдашев барча ёшларни “Беш ташаббус олимпиадаси”нинг маҳалла, сектор ҳамда туман босқичларида муваффақиятли қатнашиб, фахрли ўринларни қўлга киритгани билан самимий табриклади. Шунингдек, 17 та йўналишда ўтказилган беллашувлар, танловлар ва мусобақалар юқори савияда ташкил қилиниб, унда 27 минг дан ортиқ ёшлар фаол иштирок этишганини эътироф этиб ўтди.
Шундан сўнг, “Беш ташаббус олимпиадаси”да фаол қатнашган ва юқори натижаларга эришган ёшларни тақдирлаш жараёни бўлиб ўтди.
Маълумот учун айтиш керакки, тадбирларнинг туман босқичида 405 нафар ёшлар ғолиб ва совриндарлар қоторидан жой олиб, улар орасидан 1-ўринни қўлга киритган 144 нафар ёшлар ҳудудий босқичга йўлланма олдилар. Бугунги кунга қадар ҳудудий босқичнинг 4 та йўналиши бўйича якунига етган мусобақаларда 3 нафар ёшлар Республика босқичига йўлланмани қўлга киритишди.
Хусусан, профессионал шахмат бўйича аёл-қизлар ўртасида ўтказилган мусобақаларда Ўзбекистон маҳалласидан Райхона Шамуратова, “Ёш китобхон оила” танловида Дўрман овулидан Ўринбоевлар оиласи алоҳида эътирофга сазовардир.
“Беш ташаббус олимпиадаси” доирасидаги спорт мусобақаларини тизимли ташкил этиш ва ўтказиш учун давлат бюджетидан ҳар йили 50 млрд. сўм миқдорда маблағ ажратилиши ёшларга берилаётган катта эътиборнинг ёрқин намунасидир.
Шунингдек, “Беш ташаббус олимпиадаси” ҳамда бошқа махсус умумреспублика спорт мусобақалари давомида ғолиб ва совриндорларни тайёрлаган жисмоний тарбия фани ўқитувчилари ва тренерлар малака аттестациясига жалб этилмаслиги ҳамда ва уларга тўғридан-тўғри малака тоифалари берилиши устоз ва мураббийларимиз учун ҳам катта имкониятдир.
Айтиш керакки, “Беш ташаббус” доирасида ўтказилаётган мусобақлар, танловлар ва беллашувлар зукко китобхонларни, маданият ва санъат соҳасининг етук вакилларини, ахборот технологиялари бўйича етакчи мутахассисларни ҳамда дунё тан олган спортчиларни кашф қилиш ва саралашда муҳим восита бўлиб хизмат қилади.
“Беш ташаббус олимпиадаси”нинг туман босқичда фахрли 1-ўринни қўлга киритган интилувчан ўғил-қизларга кейинги босқичларда ҳам омад тилаймиз.
Амударё тумани ҳокимлигининг Ахборот хизмати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
