Ҳоким ва битирувчи ёшлар учрашуви бўлиб ўтди
2022 йил 23 июнь куни Амударё тумани ҳокимлиги биносида ҳоким ва битирувчи ёшлар учрашуви бўлиб ўтди. Унда туман ҳокими Султонбой Йўлдашев, ҳоким ўринбосари Маҳмуд Шерметов, Маҳалла ва нуронийларни қўллаб-қувватлаш бўлими қошидаги “Нуронийлар” жамоатчилик кенгаши раиси ўринбосари Бекмон ота Аллаберганов, туман Халқ таълими бўлими мудири Акмал Исмаилов, Қорақалпоғистон Республикаси Жўқорғи Кенгаши депутати, 40-сонли умумий ўрта таълим мактаби директори Санобар Хўжамуратова ҳамда тумандаги 85 та мактабнинг илғор битирувчи ёшлари иштирок этишди.
Учрашувда туман ҳокими Султонбой Йўлдашев битирувчиларни етуклик шаҳодатномаларини олиб, янги ҳаёт остонасида турганликлари билан самимий табриклади.
Шундан сўнг Маҳалла ва нуронийларни қўллаб-қувватлаш бўлими қошидаги “Нуронийлар” жамоатчилик кенгаши раиси ўринбосари Бекмон ота Аллаберганов ўзининг мактаб даври, ўша пайтдаги таълим тизими ҳақидаги хотиралари билан ўртоқлашиб, кечаги мактаб битирувчилари билан бугунги кун битирувчиларини қиёслаб, уларнинг ўртасида катта фарқ мавжудлигини, бугун ёшлар учун барча имкониятлар эшиклари кенг очилганини таъкидлади. Шунингдек, янги ҳаёт остонасида турган битирувчиларга турли ёт иллатларга берилмаслик, интернетдан фойдаланиш маданиятига амал қилиш бўйича ўзининг насиҳат ҳамда кўрсатмаларини бериб ўтди.
Учрашувда Қорақалпоғистон Республикаси Жўқорғи Кенгаши депутати, 40-сонли мактаб директори Санобар Хўжамуратова ўзининг ёшлик даврини, ўқишга кириш йўлида чекан машаққатларини сўзлаб, бугунги кунда ёшлар учун улкан имкониятлар яратилганини, ёшлардан эса фақатгина ундан фойдаланиш талаб этилишини айтиб, битирувчиларга катта шижоат улашди.
Шундан сўнг туман Халқ таълими бўлими мудири Акмал Исмаилов туманда жорий ўқув йилида 2 минг 582 нафар битирувчи 11-синфни тугатганлиги, фанларини аъло баҳоларга ўзлаштирган 15 нафар ўқувчи олтин ва 2 нафар ўқувчи кумуш медаль билан тақдирланиб, 5 нафар ўқувчи инглиз тили бўйича халқаро В2 ва С1 сертификати соҳиби бўлишганини, ундан ташқари 2 нафар ўқувчи Тошкент амалий фанлар университетига имтиҳонларсиз кириш бўйича сертификат билан тақдирланганини мамнуният билан эътироф этди. У ўз сўзида битирувчиларнинг Олий таълим муассасаларига давлат гранти асосида ўқишга киришларида муваффақият ва омад тилади.
Учрашув давомида туман ҳокими Султонбой Йўлдашев битирувчиларни эришган ютуқлари билан табриклаб, уларга таълим ва тарбия берган устозлари ҳамда ота-оналарига ўзининг чуқур миннаддорлигини билдирди. Шунингдек, битирувчиларнинг келгусида Ватан равнақига ҳисса қўшадиган муносиб фарзанд бўлиб етишишларига ишонч билдирди.
Учрашув якунида халқаро ва миллий сертификатлар соҳиби, 40-сонли умутаълим мактабнинг инглиз тили фани ўқитувчиси Нурбек Жуманиязов ҳамда математика фанидан миллий сертификатга эга бўлган, 94 фоиз ўқувчиси Олий таълим муассаси талабаси бўлган 40-сонли мактабнинг математика фани ўқитувчиси Шерзод Ашировлар битирувчиларга ўзларининг самимий табрикларини йўллашди.
Битирувчи ёшлар ўзларига билдирилган юксак эътибор ҳамда ишончни оқлаган ҳолда келгусида Ватанимиз корига ярайдиган комил инсонлар бўлиб етишишларига тилакдошмиз.
Туман ҳокимлигининг Ахборот хизмати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
