МАНЗИЛ-МАЪЛУМОТ АХБОРОТЛАРИНИ ОЛИШ ТАРТИБИ СОДДАЛАШТИРИЛДИ
Манзил-маълумот ахборотлари – фуқаронинг доимий пропискада турганлиги, пропискадан чиққанлиги, турган жойи бўйича ҳисобга олинганлиги, вақтинчалик рўйхатдан ўтганлиги, шунингдек, бошқа маълумот мавжуд эмаслиги ҳақидаги маълумотлар мажмуидир. Ушбу маълумотларни олиш тартибини соддалаштириш учун давлат хизматларини кўрсатишда замон талабларига мос келмайдиган тартиб-таомилларни тубдан қисқартиришга қаратилган тизимли ишлар амалга оширилмоқда.
Фуқароларнинг манзил-маълумот ахборотлари ҳақидаги маълумотномаларни олиш бў-йича давлат хизмати Давлат хизматлари марказлари ёки Ягона интерактив давлат хизматлари портали орқали Қорақалпоғистон Республикаси Ички ишлар вазирлиги, вилоятлар Ички ишлар бошқармалари ва Тошкент шаҳар Ички ишлар бош бошқармаси ҳузуридаги Манзил-маълумот бюролари томонидан кўрсатилади.
Ариза берувчилар давлат хизматларидан фойдаланиш учун Давлат хизматлари марказларига ўзи келиб мурожаат этади ёки давлат хизматларидан электрон тарзда фойдаланиш учун Республика Ягона интерактив давлат хизматлари портали орқали рўйхатдан ўтади.
Ариза берувчи ўзи келиб мурожаат этган тақдирда Давлат хизматлари маркази ходими ариза берувчи номидан, Республика Ягона интерактив давлат хизматлари портали орқали мурожаат этган тақдирда эса мустақил равишда сўровнома тўлдиради.
Сўровнома тўлдирилгандан сўнг, ариза берувчи маълумотларнинг тўғрилигини текширади ва электрон рақамли имзоси билан тасдиқлайди.
Aриза берувчилар фақат ўзларига тегишли манзил-маълумот ахборотларини олишлари мумкин.
Сарвар ҲАЙТБОЕВ,
туман Давлат хизматлар маркази бўлим бошлиғи.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
