ЎҚУВЧИЛАР МУВАФФАҚИЯТИ – УСТОЗЛАР МЕҲНАТИ САМАРАСИ
Қайси оилада фарзандга эътибор кучли бўлса, мактаб билан яхши муносабат ўрнатилса, боланинг таълим-тарбияси ҳам-корликда олиб борилса, натижа албатта, қувонарли бўлади. Жорий йилда туманимизда иш бошлаган Президент таълим муассасалари тизимидаги ихтисослаштирилган мактабга энг юқори - 92,5 балл билан қабул қилинган Отабек ва унинг укаси Оғабек Янгибоевлар хусусида ҳам шундай хулосага келишимиз мумкин.
Отабек Янгибоев Босув маҳал-ласида фаолият юритаётган 26-сонли мактаб ўқувчиси эди. Мактабда бошланғич синф ўқитув-чиси Гулора Тиловбоева, инглиз тили фани ўқитувчиси Муҳаббат Бобожонова, онаси, шу мактаб бошланғич синф ўқитувчиси Фе-руза Матқурбоновалар Отабек-даги тил ўрганишга бўлган қизи-қишни қўллаб-қувватлашди. Барча фанлардан аъло баҳоларга ўқиса-да, аниқ фанларни, хорижий фанларни ўрганишга иштиёқи кучли эди унинг. Буни инобатга олиб, М.Бобожонова Отабек билан дарсдан ташқари ҳам шуғулланди. Ота-онаси унга хо-рижий тилларни ўргатувчи нодав-лат таълим муассасаларида ҳам ўқишига етарли шароит яратиб бе-ришди. Натижада ҳозирги кунда у рус, инглиз тилларида бемалол му-лоқот қилиб, ўз фикрларини баён эта олади.
Отабек Рашид Хидиров ва Феруза Матқурбоновалар оиласининг тўнғич фарзанди. Ота-она масла-ҳатлашиб, ўғиллари – 26-мактаб-нинг 9-синфини тугатган Отабекни, 8-синфини тугатган Оғабекни жорий йилда туманимизда фаолият бошлаган ихтисослаштирилган мактабда ўқитиш мақсадида ҳуж-жатларини топширишди. Синовлар-дан муваффақиятли ўтган ака-ука айни кунда ушбу муассасада таълим олишмоқда.
– Мактабни тугатгач, ахборот-технологиялари соҳаси мутахассиси бўлмоқчиман. Орзуимга етишиш учун машғулотларни чуқур эгаллаш-га интилаяпман, – дейди Отабек ишонч билан.
У ўзининг, укасининг барча ютуқ-ларини устозлари меҳнати самараси, деб ҳисоблайди.
Биз улар сингари илмли, муло-ҳазали, келажаги учун улкан режалар белгилаб, қатъий инти-ладиган ёшларни тарбиялаб вояга етказаётган 26-сонли мактаб ўқитувчилар жамоасини 1 октябрь – Ўқитувчи ва мураббийлар куни – умумхалқ байрами билан қизғин қутлаймиз.
Улуғбек Абдураҳмонов,
туман Халқ таълими бўлими ходими.
Суратда: ака-ука Отабек ва
Оғабек Янгибоевлар.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
