OʻQUVChILAR MUVAFFAQIYaTI – USTOZLAR MEHNATI SAMARASI

Qaysi oilada farzandga eʼtibor kuchli boʻlsa, maktab bilan yaxshi munosabat oʻrnatilsa, bolaning taʼlim-tarbiyasi ham-korlikda olib borilsa, natija albatta, quvonarli boʻladi. Joriy yilda tumanimizda ish boshlagan Prezident taʼlim muassasalari tizimidagi ixtisoslashtirilgan  maktabga eng yuqori - 92,5 ball bilan qabul qilingan Otabek va uning ukasi Ogʻabek Yangiboyevlar xususida ham shunday xulosaga kelishimiz mumkin.
Otabek Yangiboyev Bosuv mahal-lasida faoliyat yuritayotgan 26-sonli maktab oʻquvchisi edi. Maktabda boshlangʻich sinf oʻqituv-chisi Gulora Tilovboyeva, ingliz tili fani oʻqituvchisi Muhabbat Bobojonova, onasi, shu maktab boshlangʻich sinf oʻqituvchisi Fe-ruza Matqurbonovalar Otabek-dagi til oʻrganishga boʻlgan qizi-qishni qoʻllab-quvvatlashdi. Barcha fanlardan aʼlo  baholarga oʻqisa-da,  aniq fanlarni, xorijiy fanlarni  oʻrganishga ishtiyoqi kuchli edi uning. Buni inobatga olib, M.Bobojonova Otabek bilan darsdan tashqari ham shugʻullandi. Ota-onasi unga xo-rijiy tillarni oʻrgatuvchi nodav-lat taʼlim muassasalarida ham oʻqishiga yetarli sharoit yaratib be-rishdi. Natijada hozirgi kunda u rus, ingliz tillarida bemalol mu-loqot qilib, oʻz fikrlarini bayon eta oladi.
Otabek Rashid Xidirov va Feruza Matqurbonovalar oilasining toʻngʻich farzandi. Ota-ona masla-hatlashib, oʻgʻillari – 26-maktab-ning 9-sinfini tugatgan Otabekni, 8-sinfini tugatgan Ogʻabekni joriy yilda tumanimizda faoliyat boshlagan ixtisoslashtirilgan maktabda oʻqitish maqsadida huj-jatlarini topshirishdi. Sinovlar-dan muvaffaqiyatli oʻtgan aka-uka ayni kunda ushbu muassasada taʼlim olishmoqda.
– Maktabni tugatgach, axborot-texnologiyalari sohasi mutaxassisi  boʻlmoqchiman. Orzuimga yetishish uchun mashgʻulotlarni chuqur egallash-ga intilayapman, – deydi Otabek ishonch bilan.
U oʻzining, ukasining barcha yutuq-larini ustozlari mehnati samarasi, deb hisoblaydi.
Biz ular singari ilmli, mulo-hazali, kelajagi uchun ulkan rejalar belgilab, qatʼiy inti-ladigan yoshlarni tarbiyalab voyaga yetkazayotgan 26-sonli maktab oʻqituvchilar jamoasini 1-oktyabr – Oʻqituvchi va murabbiylar kuni – umumxalq bayrami bilan qizgʻin qutlaymiz.

Ulugʻbek Abdurahmonov,

tuman Xalq taʼlimi boʻlimi xodimi.
Suratda: aka-uka Otabek va
Ogʻabek Yangiboyevlar.