НОГИРОНЛИГИ БЎЛГАН ФУҚАРОЛАР – ДОИМИЙ ЭЪТИБОРДА

Туман тиббий-ижтимоий хизматларни ривожлантириш бўлими томонидан эҳтиёжманд, ногиронлиги бўлган шахсларга қулай турмуш шароитлари яратиш,  ижтимоий қўллаб-қувватлаш мақсадида замонавий реабилитация-техник воситалари билан таъминлашга эътибор кучаймоқда.

Ногиронлиги бўлган шахсларнинг, тўлақонли ҳаёт тарзини юритишига кўмаклашиш ҳамда имкониятларини ошириш учун уларни замонавий  реабилитация қилишнинг техник воситалари билан таъминлаш, соҳада ахборот-коммуникацион технологияларини жорий этиш, шунингдек, Ўзбекистон Республикаси Президентининг 2021 йил 9 августдаги “Ногиронлиги бўлган шахсларга кўрсатилаётган тиббий-ижтимоий хизматлар сифатини янада яхшилаш чора-тадбирлари тўғрисида”ги Қарорига асосан ТИЭК  томонидан берилган реабилитация техник воситаларга  муҳтожлиги тўғрисида тиббий хулосаларга асосланиб, ногиронлиги бўлган шахсларни замонавий электр юритмали ногиронлар аравачалари билан босқичма-босқич таъминлаш учун муҳтож шахсларнинг рўйхати шакллантирилиб келинмоқда. Жорий йилда туманимизда 8 нафар ногиронлиги бўлган фуқаро электр юритмали кресло-аравачалар билан таъминланди.

Катта ёшдагилар ҳаёти учун зарур бўлган техник воситалар, жумладан овозли термометр ва овозли танометр билан босқичма-босқич таъминлаш учун муҳтож шахсларнинг рўйхати шакллантирилиб, улардан 18 нафарига фуқаро овозли термометр ва 16 нафари овозли танометр билан таъминланди.

Эшитиш қобилияти заиф болаларни даволашни сифат жиҳатдан янги даражага олиб чиқиш ҳамда ногиронлиги бўлган шахсларнинг одатий ҳаётга мослашувини осонлаштириш учун эшитиш қобилияти заиф бўлган 1 нафар вояга етмаган ногиронлиги бўлган бола 2 дона замонавий эшитиш мосламалари билан таъминланди.

Мамлакатимизда ногиронлиги бўлган фуқароларга ғамхўрликни кучайтириш, уларнинг муносиб турмуш шароитларида яшашларига эришиш йўлида амалга оширилаётган саъй-ҳаракатлар уларнинг ҳаётига енгиллик, мазмун олиб кираётир.

Ҳамиджон НАРБАЕВ, туман Тиббий-ижтимоий хизматларни ривожлантириш бўлими бошлиғи.