NOGIRONLIGI BOʻLGAN FUQAROLAR – DOIMIY EʼTIBORDA
Tuman tibbiy-ijtimoiy xizmatlarni rivojlantirish boʻlimi tomonidan ehtiyojmand, nogironligi boʻlgan shaxslarga qulay turmush sharoitlari yaratish, ijtimoiy qoʻllab-quvvatlash maqsadida zamonaviy reabilitatsiya-texnik vositalari bilan taʼminlashga eʼtibor kuchaymoqda.
Nogironligi boʻlgan shaxslarning, toʻlaqonli hayot tarzini yuritishiga koʻmaklashish hamda imkoniyatlarini oshirish uchun ularni zamonaviy reabilitatsiya qilishning texnik vositalari bilan taʼminlash, sohada axborot-kommunikatsion texnologiyalarini joriy etish, shuningdek, Oʻzbekiston Respublikasi Prezidentining 2021-yil 9-avgustdagi “Nogironligi boʻlgan shaxslarga koʻrsatilayotgan tibbiy-ijtimoiy xizmatlar sifatini yanada yaxshilash chora-tadbirlari toʻgʻrisida”gi Qaroriga asosan TIEK tomonidan berilgan reabilitatsiya texnik vositalarga muhtojligi toʻgʻrisida tibbiy xulosalarga asoslanib, nogironligi boʻlgan shaxslarni zamonaviy elektr yuritmali nogironlar aravachalari bilan bosqichma-bosqich taʼminlash uchun muhtoj shaxslarning roʻyxati shakllantirilib kelinmoqda. Joriy yilda tumanimizda 8 nafar nogironligi boʻlgan fuqaro elektr yuritmali kreslo-aravachalar bilan taʼminlandi.
Katta yoshdagilar hayoti uchun zarur boʻlgan texnik vositalar, jumladan ovozli termometr va ovozli tanometr bilan bosqichma-bosqich taʼminlash uchun muhtoj shaxslarning roʻyxati shakllantirilib, ulardan 18 nafariga fuqaro ovozli termometr va 16 nafari ovozli tanometr bilan taʼminlandi.
Eshitish qobiliyati zaif bolalarni davolashni sifat jihatdan yangi darajaga olib chiqish hamda nogironligi boʻlgan shaxslarning odatiy hayotga moslashuvini osonlashtirish uchun eshitish qobiliyati zaif boʻlgan 1 nafar voyaga yetmagan nogironligi boʻlgan bola 2 dona zamonaviy eshitish moslamalari bilan taʼminlandi.
Mamlakatimizda nogironligi boʻlgan fuqarolarga gʻamxoʻrlikni kuchaytirish, ularning munosib turmush sharoitlarida yashashlariga erishish yoʻlida amalga oshirilayotgan saʼy-harakatlar ularning hayotiga yengillik, mazmun olib kirayotir.
Hamidjon NARBAYeV, tuman Tibbiy-ijtimoiy xizmatlarni rivojlantirish boʻlimi boshligʻi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
