ЖУМУР ОВУЛ МАҲАЛЛАСИДА НУРОНИЙЛАР УЧУН ТАДБИРЛАР ЎТКАЗИЛДИ
Юртимизда кейинги йилларда кексаларни давлат томонидан қўллаб- қувватлашни кучайтириш, уларга ижтимоий хизматлар кўрсатиш тизимини яхшилаш борасида қатор чора-тадбирлар амалга оширилмоқда. Амударё туманида “Кексалар учун туризм ойлиги” доирасида ташкил қилинаётган мамлакатимизнинг диққатга сазовор, тарихий маконларига уюштирилаётган саёҳатлар, нуронийларнинг ёшлар билан учрашувлари шулар жумласидандир.
Туманнинг Жумур овул маҳалласида 748 хонадон, 1204 оилада 4255 нафар аҳоли истиқомат қилади. Шундан 402 нафари кексалар ва нуронийлардир.
24 ноябрь куни маҳаллада кексалар ва нуронийлар иштирокида “Саломатлик учун 5000 қадам” тадбири ўтказилди. Тадбир давомида кексалар ва нуронийлар бутун маҳалла аҳлига пиёда юриш саломатлик гарови эканлигини тарғиб қилиш мақсадида пиёда юрдилар. Улар пиёда юриш мобайнида ўзаро гурунглашиб, бир- бирларининг ҳол-аҳволидан хабардор бўлдилар, давлатимизнинг кексаларни эъзозлаш борасидаги ишларидан миннатдорлигини билдирдилар.
Шуни айтиш керакки, 2022 йил ноябрь ойидаги “Кексалар учун туризм ойлиги” доирасида маҳалланинг кексалари ва нуронийларидан 126 нафари Қорақалпоғистон худудидаги турли зиёратгоҳларга ва музейларга, тарихий обидаларга ҳамда Самарқанд, Бухоро, Хива каби тарихий шаҳарларга саёҳатларга олиб борилди.
Шунингдек уйида ётган касалманд ва ногирон кексаларнинг ҳолидан хабар олиниб, тиббий кўрикдан ўтказилди, реабалитация маҳсулотларига муҳтож бўлган икки нафар аёлга эшитиш мосламаси ва ҳасса берилди, 3 нафар якка ёлғиз яшовчилар ҳолидан хабар олиниб, уйларида ободонлаштириш ишларида ёрдам бериб келинмоқда.
Маҳаллада кексалар ва нуронийлар иштирокида “Уч авлод учрашуви”, “Янги Ўзбекистонни барпо этишда нуронийларнинг ўрни”, “Эҳтиром, эъзоз, эътибор” тадбирлари ўтказиб келинмоқда.
Шу куни маҳалла нуронийлари “Яшил макон” умуммиллий лойиҳасига доирасида ҳудудга мевали ва манзарали дарахт кўчатлари экиш ишларида ҳам иштирок этдилар. Шундан сўнг кексалар ва нуронийлар ўртасида спортнинг шахмат, шашка, стол тенниси турлари бўйича мусобақа ўтказилди. Маҳалланинг иқтидорли ёшлари томонидан намойиш этилган концерт дастури кексалар ва нуронийларга жуда манзур бўлди.
Тадбирларда туман Махалла ва нуронийларни қўллаб-қувватлаш бўлими бошлиғи ўринбосари Баҳодир Болтабаев ва Нуронийлар жамоатчилик кенгаши раиси ўринбосари Бекман Алламбергановлар қатнашиб, туманимизда кексалар ва нуронийларга бўлаётган эҳтиром, эъзоз, эътибор тўғрисида гапириб ўтди ҳамда тадбирда иштирок қилаётган энг кекса нуроний отахон ва онахонларга, маҳалладаги жамоатчилик тадбирларида фаол бўлган фуқароларга совғалар топширишди.
Жумуровул маҳалласида ўтказилган тадбирлар ҳудуд кексалари кўнглини кўтарди, уларга ўчмас таассуротлар ҳадя этди.
Севара Исмоилова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
