ИИБ ХОДИМЛАРИ УЧУН ЯНГИ ҚАРОР МАЗМУН-МОҲИЯТИНИ ТУШУНТИРИШГА БАҒИШЛАНГАН СЕМИНАР ТАШКИЛ ЭТИЛДИ
Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисидаги ЎРҚ-810-сонли қарорининг мазмун-моҳиятини кенг тушунтириш юзасидан семинар бўлиб ўтди.
Шу йил 13 январь куни туман Ички ишлар бўлимининг мажлислар залида бўлиб ўтган семинарга Жиноят ишлари бўйича Амударё туман суди масъуллари, туман ИИБ бошлиғи Ж.Юсупов, туман прокурори ёрдамчиси З.Кудайбергенов ва туман ИИБ ҲПБ профилактика инспекторлари иштирок қилишди.
Семинарни туман ИИБ бошлиғи Ж.Юсупов очиб берди ва кун тартибидаги масалалар билан таништирди.
Семинарда янги қарор мазмун-моҳияти тушунтирилди. Шунингдек, мамлакатимизда муайян яшаш жойига эга бўлмаган шахсларни реабилитация қилиш орқали уларга ҳуқуқий, ижтимоий, психологик, тиббий ва бошқа турдаги ёрдам кўрсатишга, шунингдек, уларга жамиятда қабул қилинган хулқ-атвор нормалари ва қоидаларини сингдиришга қаратилган чора-тадбирларни амалга оширишнинг ҳуқуқий асослари яратилганлиги, бугунги кунда ички ишлар органларининг муайян яшаш жойига эга бўлмаган шахсларни реабилитация марказига жойлаштириш тўғрисидаги илтимосномалари туманлараро маъмурий судлар томонидан кўриб чиқилаётгани тўғрисида сўз юритилди. Туманлараро маъмурий судлар фақат вилоят марказларида жойлашганлиги, ҳудудлар географик жойлашуви бўйича бир-биридан узоқда бўлганлиги ва ички ишлар органлари ходими мазкур иш билан шуғулланиши давомида ўз хизмат жойини узоқ муддат бўш қолдираётганлиги туфайли муайян яшаш жойига эга бўлмаган шахсларни реабилитация марказига жойлаштириш тўғрисидаги илтимосномаларни кўриб чиқиш амалиётини фуқароларга қулайликлар яратиш нуқтаи назаридан қайта кўриб чиқиш зарурати юзага келаётгани айтиб ўтилди.
Таъкидланганидек, мазкур Қонун билан Ўзбекистон Республикасининг Маъмурий суд ишларини юритиш тўғрисидаги кодексининг муайян яшаш жойига эга бўлмаган шахсларни реабилитация марказига жойлаштириш тўғрисидаги илтимосномаларни кўриб чиқишга доир нормаларини Ўзбекистон Республикасининг Маъмурий жавобгарлик тўғрисидаги кодексига ўтказиш ҳамда тегишли ишларни кўриб чиқишни маъмурий судлардан жиноят ишлари бўйича туман, шаҳар судларига ўтказиш назарда тутилмоқда. Эндиликда Қонунда таклиф этилаётган нормалар муайян яшаш жойига эга бўлмаган шахсларни реабилитация марказига жойлаштириш билан боғлиқ қийинчиликларнинг ва ортиқча оворагарчиликларнинг олдини олишга хизмат қилади.
Семинар давомида ички ишлар бўлими ходимларига муайян яшаш жойига эга бўлмаган шахсни реабилитация марказига жойлаштириш бўйича ҳужжатларни тайёрлаш ва судга тақдим этиш тартиби тушунтирилди. Шундан сўнг, бўлим ходимлари томонидан берилган турли саволларга батафсил жавоблар қайтарилди.
А.Сафаров, Жиноят ишлари бўйича Амударё туман суди раиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
