СЕМИНАРДА ЕР УЧАСТКАЛАРИНИ АЖРАТИШ ВА УЛАРДАН ФОЙДАЛАНИШ ТАРТИБИ ТУШУНТИРИЛДИ
Кадастр агентлиги Қорақалпоғистон Республикасининг туман бўлимида суд масъуллари иштирокида ўқув-семинар ва очиқ мулоқот ўтказилди.
13 январь куни бўлиб ўтган мазкур семинарда Кадастр агентлиги туман бўлими бошлиғи А.Сапарбоев, бўлим ходимлари ва ушбу худудга яқин жойда яшовчи фуқаролар ҳам қатнашишди. Семинарда Ўзбекистон Республикасининг 2021 йил 16 августдаги “Ер участкаларини ажратиш ва улардан фойдаланиш, шунингдек ерларни ҳисобга олиш ва давлат ер кадастрини юритиш тизимини такомиллаштириш муносабати билан Ўзбекистон Республикасининг айрим қонун хужжатларига ўзгартиш ва қўшимчалар киритиш тўғрисида”ги Қонуни билан Маъмурий жавобгарлик тўғрисидаги кодекснинг 60-моддаси иккинчи-тўртинчи қисмлари, 601-, 68-, 681-, 69-моддаларига киритилган ўзгартиш ва қўшимчалар, ушбу Қонуннинг мазмун-моҳияти кенг тушунтирилди.
Семинар давомида ер участкаларини ўзбошимчалик билан эгаллаб олиш, шу жумладан ушбу ер участкаларига нисбатан қонуний ҳуқуқлари мавжуд бўлмаган ҳолда улардан фойдаланиш ҳолати фуқароларга базавий ҳисоблаш миқдорининг йигирма беш баравари, мансабдор шахсларга эса эллик баравари миқдорида жарима солишга сабаб бўлиши, ўзбошимчалик билан эгаллаб олинган, ажратилган ер участкасига туташ бўлган ва туташ бўлмаган ер участкаларида қурилиш ишларини амалга ошириш фуқароларга базавий ҳисоблаш миқдорининг бир юз эллик баравари, мансабдор шахсларга эса уч юз баравари миқдорда жарима солишга сабаб бўлиши тушунтирилди.
Шунингдек, суғориладиган ерларни ўзбошимчалик билан эгаллаб олишга йўл қўймаслик бўйича ер эгаси, ердан фойдаланувчи ёки ижарачи томонидан чоралар кўрилмаганлиги, шу жумладан ер участкаси ўзбошимчалик билан эгаллаб олинганлиги факти тўғрисида ваколатли органлар хабардор этилмаганлиги фуқароларга базавий ҳисоблаш миқдорининг йигирма баравари, мансабдор шахсларга эса эллик баравари миқдорида жарима солишга сабаб бўлиши ва тегишли қонун ҳужжатларда кўрсатилган бошқа ҳолатлар бўйича ҳам қонуний жазо чоралари белгилангани айтиб ўтилди.
Очиқ мулоқот тарзида ўтган семинарда иштирокчилар ўзларини қизиқтирган бошқа саволларга ҳам жавоблар олишди.
А.Сафаров, Жиноят ишлари бўйича Амударё туман суди раиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
