АЁЛ-ҚИЗЛАР ДАВЛАТИМИЗНИНГ ДОИМИЙ ЭЪТИБОРИДА
Президентимиз раҳбарлигида мамлакатимиз иқтисодий, сиёсий ва ижтимоий ҳаётининг барча жабҳаларида хотин-қизларнинг фаоллигини ошириш, уларнинг таълим ва касбий кўникмалар олиши ҳамда бандлигини таъминлашга ҳар томонлама кўмаклашиш, тадбиркорлик ташаббусларини янада қўллаб-қувватлаш, “Аёллар дафтари” билан ишлаш тизимини такомиллаштириш борасида кенг кўламли ишлар йўлга қўйилмоқда.
2022 йилда “Аёллар дафтари”нинг 3-босқичига барча ҳудудлардан 3810 нафар хотин-қизлар киритилган бўлиб, шу кунгача уларнинг 3803 нафарига тегишли ёрдамлар кўрсатилди. Ижтимоий ҳимояга муҳтож ишсиз эҳтиёжманд хотин-қизлардан 1208 нафарининг бандлиги таъминланди. Тадбиркорлик қилиш истагини билдирган 401 нафар хотин-қизларга 4 млрд. 559 млн. сўм миқдорида кредит маблағлари ажратилди. Боқувчиси бўлмаган 907 нафар эҳтиёжманд хотин-қизларнинг 906 нафарига “Аёллар жамғармаси” томонидан БҲМнинг 4 баравари миқдорида бир марталик моддий ёрдамлар кўрсатилиб, 1 млрд. 87 млн. 200 минг сўм маблағ сарфланди. Ҳомийлик маблағлари ҳисобидан уй-жой таъмирига муҳтож 87 нафар хотин-қизларнинг уй-жойи таъмирланди.
Ундан ташқари, 218 нафар хотин-қизлар реабилитация воситалари билан таъминланди. Шунингдек, маҳаллаларда ташкил этилган ўқув масканлари ҳамда 2-сонли касб-ҳунар мактабида 345 нафар ишсиз хотин-қизлар қайта касбга ўқитилди, 16 нафар хотин-қизларнинг контракт пуллари тўлаб берилди.
Дафтар рўйхатидаги 300 нафар хотин-қизлар Хива, Бухоро, Самарқанд шаҳарларидаги тарихий масканларга саёҳатларга жалб этилди.
“Аёллар дафтари”га киритилган хотин-қизларга мунтазам равишда психологик, ҳуқуқий ҳамда тиббий ёрдамлар кўрсатиб келинмоқда. Шу билан бирга Фуқаролик ишлари бўйича Амударё туман суди ҳамда маҳаллалардаги “Оилавий қадриятларни мустаҳкамлаш” комиссиясига мурожаат қилган, ажрим ёқасига келиб қолган 116 та оилаларнинг 113 тасини яраштиришга эришилди. Билиб-билмай жиноят йўлига кирган 3 нафар хотин-қизлар Оила ва хотин-қизлар бўлимининг кафиллиги асосида қамоқ тарзидаги жиноий жазодан сақлаб қолинди ва соғлом турмуш тарзига қайтарилди.
Шунингдек, Вазирлар Маҳкамасининг “Оила институтини янада ривожлантириш ва ёшларни оилавий ҳаётга тайёрлаш чора-тадбирлари тўғрисида”ги Қарори асосида Оила ва хотин-қизлар бўлими ҳузурида ташкил этилган “Ёшларни оилавий ҳаётга тайёрлаш маркази”да 495 нафар ёш оилалар ўқитилиб, сертификатлар топширилди.
Жамият тараққиёти, сиёсий, ижтимоий-маънавий муҳит барқарорлиги аёлларга, ёшларга, оилага бўлган муносабат ва эътибор билан боғлиқ. Шу боис, келгусида ҳам аёллар билан боғлиқ масалалар барчамизнинг доимий эътиборимизда бўлади.
Гўзал Сабурова, туман ҳокими ўринбосари,
Оила ва хотин-қизлар бўлими бошлиғи.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
