БУНЁДКОРЛИКЛАР АҲОЛИ ТУРМУШИ СИФАТИНИ ОШИРИШГА ХИЗМАТ ҚИЛАДИ

Кейинги йилларда давлатимизнинг асосий эътибори инсон ҳуқуқ ва манфаатларини таъминлаш, аҳолининг турмуш даражасини ошириш, муносиб ҳаёт шароитларини яратишга қаратилмоқда.

Ҳудудни ривожлантириш мақсадида ажратилган маблағлар  ҳисобидан туманнинг 2-сектори худудида 1981,2 млн. сўмлик 3 та лойиҳа амалга оширилади. Хусусан, Дўстлик маҳалласи ҳудудида қиймати 334,3 млн. сўмлик универсал болалар спорт майдончасини янгидан қуриш ишларини адо этиш учун “Манғит Идеал қурилиш” МЧЖ тендерда қатнашиб ғолиб бўлди ва лойиҳалаштириш ишлари давом этмоқда. Бугунги кунда 2-сектор ҳудудида жойлашган Хизр эли ҳамда Юқори қишлоқ маҳаллаларининг маъмурий бинолари мавжуд бўлмаганлиги сабабли қиймати 1 млрд. 646,9 млн. сўмлик, яъни Хизр эли маҳалла фуқаролар йиғини биносини янгидан қуриш ишларига 820.9 млн. сўм, ҳамда Юқори қишлоқ маҳалла фуқаролар йиғини биносини янгидан қуриш ишларига 826 млн. сўм ажратилди ва бугунги кунда пудратчи ташкилотлар аниқланиб, барча объектларнинг қурилиш ишлари бошланмоқда.

Бундан ташқари, 2-сектор ҳудудидаги Арна бўйи, Беш овул, Бўз солма маҳаллалари, Дўрман, Ўрта қалъа, Қиличбой овуллари ҳамда Дўстлик маҳалласида жами 22.3 км. ички йўлларни таъмирлаш учун 4,5 млрд. сўм пул маблағи ажратилиб, лойиҳалаштириш ишлари давом этмоқда.

Арна бўйи маҳалласи ҳудудида жойлашган Шарқ-2 кўчасини жорий таъмирлаш учун 800 метр масофага 132,1 млн. сўм пул маблағи, Қиличбой овули ҳудудида жойлашган Офтоб 1-, 2-, 3-, 4-, 5-, 6-, 7- ва Тижоратчилар кўчаларини жорий таъмирлаш учун 2,665 км. масофага 441,5 млн. пул маблағи, Ўрта қалъа овули ҳудудида жойлашган Миробод кўчасини жорий таъмирлаш учун 865 метр масофага 322,2 млн. сўм пул маблағи ажратилиб, Беруний йўллардан фойдаланиш унитар корхонаси томонидан лойиҳа-смета ҳужжатлари ишлаб чиқилмоқда.

Дўрман овулида жойлашган Бўзчи-1-, 2-, 3-, 4-, 5-, 6-, 7-кўчалари ва Бекобод 1-, 2-, 3-, 4-, 5-кўчаларини жорий таъмирлаш учун 5,477 км.  масофага 1126,4 млн. сўм пул маблағи, Беш овул маҳалласи ҳудудида жойлашган Орзу-1-, 2-, 3-, 4-, Соҳибкор-1-, 2-, 3-, 4-, 5-, 6- ҳамда Ихтирочилар-1-, 2-кўчаларини жорий таъмирлаш учун 4,379 км. масофага 826,4 млн. сўм пул маблағи, Бўз солма маҳалласи ҳудудидаги Айдин йўл, Матонат, Обод макон 1-, 2-, 3-, 4-, 5- ҳамда Матонат 2-участка кўчаларини жорий таъмирлаш учун 5,448 км. масофага 1140,2 млн. сўм пул маблағи, Дўстлик маҳалласи ҳудудидаги Иқбол-1-, 2-, 3-, 4-, 5-, 6-, 7- кўчаларини жорий таъмирлаш учун 2,737 км. масофага 511,7 млн. сўм пул маблағи ажратилиб, Тахиатош йўллардан фойдаланиш унитар корхонаси томонидан лойиҳа-смета ҳужжатлари ишлаб чиқилмоқда.

Амалга оширилаётган бунингдек ўзгаришлар халқимиз турмуши сифати ошишига хизмат қилади. Зеро, давлатимизнинг бош мақсади ҳам халқимиз турмуши обод, дастурхони тўкин бўлишига эришишдир.

А.РЎЗМЕТОВ, туман прокурори, 2-сектор раҳбари.