Нукус Ҳарбий прокуратураси ташаббуси билан “Инсон қадри – олий қадрият” тамойили асосида сайёр қабул бўлиб ўтди
Маълумки, Ўзбекистон Республикаси Ҳарбий прокуратураси Қуролли Кучларда ва ҳарбий тузилмаларда қонунларга риоя этилишини назорат қилади. Мазкур орган томонидан мамлакатимиз суверенитетини мустаҳкамлаш, мудофаа салоҳиятини ошириш, ҳарбий хизматчиларнинг ва оила аъзоларининг ҳуқуқларини таъминлашга қаратилган чора-тадбирлар туфайли кўплаб мурожаатлар адолатли ҳал этилмоқда. Хусусан, фақат 2022 йилнинг ўзида мамлакатимизда Ўзбекистон Республикаси Ҳарбий прокуратурасига мурожаат йўллаган 2 мингга яқин фуқароларнинг мурожаатлари кўриб чиқилиб, 254 таси қаноатлантирилган. Шунингдек, сайёр қабулларда 3 минг 200 нафар шахс қабул қилиниб, аниқланган муаммоларини ҳал этиш чоралари кўрилган.
Шуни алоҳида қайд этиш керакки, мамлакатимизнинг тараққиёт стратегиясидан келиб чиқиб, ҳарбий тузилмаларда ҳам инсон қадри устувор вазифа сифатида белгиланган. Ҳарбий хизматчиларнинг ҳуқуқ ва манфаатлари, ижтимоий ҳимояси таъминланиши, уларнинг оилавий хотиржам яшаши алоҳида назоратга олинган.
Жорий йилнинг 10 март санасида Нукус Ҳарбий прокуратураси ташаббуси билан 9-сонли болалар мусиқа ва санъат мактаби биносида Амударё тумани Мудофаа ишлари бўлими, Қоралпоғистон Республикаси Фавқулодда вазиятлар бошқармаси, Миллий гвардия Қорақалпоғистон Республикаси бошқармаси, Амударё тумани меҳнат ва бандликни таъминлаш ҳамда Халқ таълими бўлимлари билан ҳамкорликда “Инсон қадри – олий қадрият” тамойили асосида сайёр қабул ўтказилди.
Сайёр қабулда Амударё тумани Фавқулодда вазиятлар бўлими, Миллий гвардия қўриқлаш бўлими, Амударё тумани Мудофаа ишлари бўлими шахсий таркиби ва ходимлари, шунингдек, истеъфодаги ҳарбийлар ҳамда уларнинг оила аъзолари, ОАВ вакиллари иштирок этдилар.
Сайёр қабул давомида 71 нафар ҳарбий хизматчи ва уларнинг оила аъзоларининг турли масалалар бўйича мурожаатлари тингланди. Ҳар бир мурожаат соҳа мутахассислари томонидан батафсил ўрганилиб, шулардан 1 та мурожаат жойида ижобий ҳал этилди. 14 та мурожаат тажрибали ҳуқуқшунослар томонидан ўрганилиб, мурожаат эгаларига тегишли ҳуқуқий маслаҳатлар, зарур тушунчалар берилди. 11 та мурожаат ҳам батафсил ўрганишлар орқали қаноатлантирилди.
“Инсон қадри – олий қадрият” тамойили асосида ўтказилган сайёр қабул давомида соҳа мутахассислари томонидан “Коррупцияга қарши курашиш – жамият равнақини таъминлашдир” мавзусида тарғибот тадбири ҳам ўтказилиб, жамиятимизда чуқур илдиз отган коррупцияга барҳам беришда ҳуқуқни муҳофаза қилиш органлари билан халқнинг ҳамкорлиги муҳим аҳамиятга эга эканлиги таъкидланди. Тарғибот тадбири давомида иштирокчилар ўзларини қизиқтирган саволлар билан мурожаат қилишиб, мутахассислар томонидан ҳавола этилган бири-биридан қизиқарли жавоблар орқали бу борада кенг ва мазмунли тушунчага эга бўлдилар.
Робия ЙЎЛДОШЕВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
