Алимент тўловидан қарзи бўлган ва ишга муҳтож фуқароларни ишга жойлаштириш мақсадида меҳнат ярмаркаси ташкил этилди

Мажбурий ижро бюросининг Амударё тумани бўлими томонидан алимент ундириш билан боғлиқ ижро ҳужжатлари бўйича мутасадди идоралар билан ҳамкорликда алиментдан қарзи бўлган ва ишга муҳтож фуқароларни ишга жойлаштириш мақсадида меҳнат ярмаркалари ташкил этилиб борилмоқда.

Мажбурий ижро бюроси Амударё туман бўлимида жами 1008 нафар вояга етмаган фарзандлар таъминоти учун алимент ундириш билан боғлиқ ижро ҳужжати мавжуд бўлиб, шундан 394 нафар қарздор Ўзбекистон Республикасидаги ўртача ойлик иш ҳақи миқдоридан алимент пулларини тўлаб келмоқда.

Шунингдек, 614 нафар қарздорнинг алимент пуллари Ўзбекистон Республикаси “Суд ҳужжатлари ва бошқа органлар ҳужжатларини ижро этиш тўғрисида”ги Қонуннинг 64-моддасига мувофиқ иш ҳақиларидан ундириб келинмоқда.

 Ушбу қарздор алимент тўловчи ва бошқа қаздор фуқароларни иш билан таъминлаш мақсадида туман прокуратураси, туман мажбурий ижро бюроси ва туман Бандликка кўмаклаш маркази билан ҳамкорликда 24 март куни бўш иш ўринлари ярмаркаси ташкил этилди.

Бўлиб ўтган ярмаркада жами 8 нафар қарздор иш билан таъминланди.

Ундан ташкари, бўлим иш юритувида солиқ ундирувига, маъмурий жарималар, банк фойдасига, коммунал ташкилотлар фойдасига, фуқаролар фойдасига ундириш бўйича ижро ҳужжатлар қарздор фуқаролар ҳам қарздорликларни иш ҳаки хисобидан тўлаш мақсадида ярмаркада иштирок этдилар.

Таъкидлаш керакки, “Ўзбекистон Республикаси Президентининг Суд ҳужжатлари ва бошқа органлар ҳужжатларини ижро этиш тизимини янада такомиллаштириш чора-тадбирлари тўғрисидаги” Фармонига мувофиқ, 2021 йил 1 мартдан бошлаб ижро ҳужжатлари бўйича алимент мажбуриятларини бажариш қарздорлар томонидан алимент мажбуриятларини ижро этиш ва назорат қилишнинг ягона тизими орқали амалга ошириш кўзда тутилган. Алимент мажбуриятлари бўйича алоҳида ҳисоб ва рақами алимент тўловчилар номига банк карталари очилишини ташкил этиш ҳамда алимент мажбуриятларини бажаришнинг янги тартибини жорий етиш чоралари кўрилди.

Ўзбекистан Республикасидан чиқишига тақиқ қўйилганлиги ва уларни қидириш юзасидан барча зарурий чоралар кўрилган.

 Шунингдек, Мажбурий ижро бюросининг Амударё тумани бўлими томонидан қонунчиликда белгиланган муддат мобайнида қарздорликларни тўлиқ тўламаганларга нисбатан мол мулклари хатланиб, реализация қилиш ишлари олиб борилаётганлиги ва қарздорларни бўш иш ўринларга жойлаштириш чора-тадбирлари, меҳнат ярмаркаларини ташкиллаштириш ва ажрашган оилаларни яраштириш чоралари қатиятлилик билан ҳал этилиб келинмоқда.

К.Мадаминов, МИБ Амударё туман бўлими давлат ижрочиси, 2-даражали юрист